• Йеңилиқлар
  • 28 Қаңтар, 2013

Миллий план қобул қилинди

Премьер-Министр Серик Ахметовниң рәислиги билән өткән Һөкүмәт мәҗлисидә Астанада ЭКСПО-2017 хәлиқара көргәзмини өткүзүшкә тәйярлиқ мәсилиси муһакимә қилинди. Униңда көргәзмини уюштуруш вә өткүзүш бойичә 2013 — 2018-жилларға беғишланған миллий план қобул қилинди. Һөкүмәт мәҗлисидә ЭКСПО-2017 хәлиқара ихтисаслаштурулған көргәзмини уюштуруш вә өткүзүш бойичә миллий план тоғрилиқ вә «Астана ЭКСПО-2017» миллий компанияси» акционерлиқ җәмийитини қуруш тоғрилиқ қарарларниң лайиһилирини Ихтисадий тәрәққият вә сода министри Ерболат Досаев тонуштурди. Бу һөҗҗәтләр С.Ахметов рәислигидики Дөләт комиссиясиниң мәҗлисидә қарилип, қобул қилинған еди. Мәзкүр комиссия Астана ЭКСПО-2017 көргәзмисини өткүзүш һоқуқини йеңивалғандин кейин, 2012-жилниң 26-ноябрь күни қурулди. «Миллий план 10 бөлүмдин вә 78 чарә-тәдбирдин ибарәт, униңға 12 дөләтлик орган, барлиқ вилайәтләр билән Астана вә Алмута шәһәрлириниң һакимийәтлири, «Самұрық-Қазына» фонди җәлип қилиниду. Шуниң билән биллә көргәзминиң Ройхәткә елиш һөҗҗити 2013-жилниң ноябрь ейида Хәлиқара көргәзмиләр бюросиниң Иҗраий комитетида бәкитилгәндин кейин, Миллий план 2014 — 2018-жилларға беғишлинип түзилиду», — деди Е.Досаев. Бүгүнки күндә ЭКСПО-2017 көргәзмисини өткүзүш бойичә Һөкүмәт ишини уюштуруш схемиси тәйярлинип болди. Шундақла Һөкүмәт рәһбириниң орунбасари К.Келимбетов рәислик қилидиған Тәшкилий комитет қурулди, бу комитет Дөләт комиссиясиниң иҗраий оргини болуп һесаплиниду вә көргәзмини уюштуруш вә уни өткүзүшниң асасий йөнилишлири бойичә сәккиз иш штабиниң паалийитини уйғунлаштуриду. Бийил «Астана ЭКСПО-2017» миллий компанияси» акционерлиқ җәмийити, Миллий консультант идариси вә Шәһәр объектлирини тәйярлаш вә йеңи объектларни селиш бойичә мудирийәт қурулиду. «Миллий компанияниң асасий вәзиписи ройхәткә елиш һөҗҗитиниң мәзмунлуқ қисмини әмәлгә ашуруш, ЭКСПО-2017 лайиһисиниң даирисидә инфрақурулумлар билән объектларни лайиһиләш вә уларни селиштин ибарәт» дәп атап көрсәтти Е.Досаев. Әнди Миллий консультант идариси қазақстанлиқ делегацияләрниң Хәлиқара көргәзмиләр бюросиниң Иҗраий комитети билән Баш Ассамблеясиниң мәҗлислиригә қатнишини тәминләш, ройхәткә елиш һөҗҗитиниң лайиһисини тәйярлаш билән шуғуллиниду. Астана һакимийитиниң йенида қурулидиған Шәһәр объектлирини тәйярлаш вә йеңи объектларни селиш бойичә мудирийәт көргәзмини утуқлуқ өткүзүш үчүн шәһәр инфрақурулумлирини тәйярлаш вә тәрәққий әткүзүш мәсилилири бойичә иш елип бариду. ЭКСПО-2017 көргәзмисини қоллап-қувәтләш фонди болса, өз новитидә, имзаланған меморандумлар бойичә жүклинидиған вәзипиләрни орунлаш җәриянида Хәлиқара көргәзмиләр бюросиға әза мәмликәтләр билән һәмкарлишиш бойичә өз ишини давамлаштуриду вә йеңиланған энергия мәнбәлири саһасидики илмий лайиһиләрни қоллап-қувәтләшни тәминләйду. С.Ахметов «Президент көргәзмини уюштуруш вә өткүзүш бойичә узақ муддәтлик миллий планни әмәлгә ашурушқа қаритилған чоң вәзипиләрни қойди. Бу һөҗҗәттә көздә тутулған барлиқ чарә-тәдбирләр өз қәрәлидә әмәлгә ешиши шәрт. Көргәзминиң утуқлуқ өткүзүлүши мана мошу ишларға мунасивәтлик болиду» дәп тәкитлиди. Һөкүмәт мәҗлисиниң нәтиҗиси бойичә тегишлик қарарлар қобул қилинди.

206 рет

көрсетілді

0

пікір
Алдыңғы мақала Һөкүмәт қарарлири имзаланди
Келесі мақала Қазақстан Җумһурийитиниң дөләтлик башқуруш системисини техиму мукәммәлләштүрүш тоғрилиқ

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Қазан, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы