• Йеңилиқлар
  • 28 Қаңтар, 2013

Қазақстан Җумһурийитиниң дөләтлик башқуруш системисини техиму мукәммәлләштүрүш тоғрилиқ

Қазақстан Җумһурийити Конституциясиниң 44-бабиниң 3) тармиғиға мувапиқ тохтам қилимән: 1. Қазақстан Җумһурийити Ихтисадий тәрәққият вә сода министрлигиниң регионлуқ тәрәққият, тиҗарәтчиликни қоллаш, униң ичидә иҗтимаий-тиҗарәтчилик корпорацияләрниң хизмитини уйғунлаштуруш мәхситидики дөләтлик сәясәтни қелиплаштуруш вә әмәлгә ашуруш саһасидики вәзипилири билән вакаләтликлирини униңға бәргән һалда, Қазақстан Җумһурийити Регионлуқ тәрәққият министрлиги қурулсун. 2. Монулар: 1) Қазақстан Җумһурийити Ихтисадий тәрәққият вә сода министрлиги, униңға: Қазақстан Җумһурийити Малийә министрлигидин — бюджетлиқ планлаш; Қазақстан Җумһурийити Индустрия вә йеңи технологияләр министрлигидин — инвестицияләрни қоллап-қувәтләшниң вә қолайлиқ инвестициялик шараит яритишниң дөләтлик сәяситини қелиплаштуруш; Қазақстан Җумһурийити Ички ишлар министрлигидин — хәлиқниң көчүп-қонуши даирисидики дөләтлик сәясәтни қелиплаштуруш саһасидики вәзипиләр билән вакаләтликләрни бәргән һалда, уни Қазақстан Җумһурийити Ихтисат вә бюджетлиқ планлаш министрлиги қилип қайта қуруш йоли билән; 2) Қазақстан Җумһурийити Қурулуш вә турушлуқ өй-коммуналлиқ егилиги ишлири бойичә агентлиқ билән Қазақстан Җумһурийити Йәр ресурслирини башқуруш бойичә агентлиқни Қазақстан Җумһурийити Регионлуқ тәрәққият министрлигигә қошуш йоли билән; 3) Қазақстан Җумһурийити Атом энергияси бойичә агентлиқни Қазақстан Җумһурийити Индустрия вә йеңи технологияләр министрлигигә қошуш йоли билән қайта уюштурулсун. 3. Монуларға: 1) Қазақстан Җумһурийити Ихтисат вә бюджетлиқ планлаш министрлигигә «йешил ихтисатни» тәрәққий әткүзүшниң дөләтлик сәяситини шәкилләндүрүш бойичә функцияләр билән вакаләтликләр; 2) Қазақстан Җумһурийити Әтрап муһитни қоғдаш министрлигигә, униңға мону саһалардики: тәбиий ресурсларни қоғдаш вә нәтиҗидарлиқ пайдилинишни назарәт қилиш, су ресурслирини башқурушниң дөләтлик сәяситини  қелиплаштуруш, шундақла Қазақстан Җумһурийити Йеза егилиги министрлигидин берилидиған мелиорация мәсилилирини қошмиғанда, су ресурслирини башқуруш вә белиқ егилигини тәрәққий әткүзүш бойичә функцияләр билән вакаләтликләр; Қазақстан Җумһурийити Қурулуш вә турушлуқ өй-коммуналлиқ егилиги ишлири бойичә агентлиқтин — қаттиқ мәиший қалдуқларни қайта ишләш мәсилилири; Қазақстан Җумһурийити Индустрия вә йеңи технологияләр министрлигидин — йеңилинидиған энергия мәнбәлирини тәрәққий әткүзүш даирисидики дөләтлик сәясәтни қелиплаштуруш функциялири билән вакаләтликлирини бәргән һалда, «йешил ихтисатни» тәрәққий әткүзүшниң дөләтлик сәяситини әмәлгә ашуруш вә назарәт қилиш бойичә вәзипиләр билән вакаләтликләр берилсун. 4. Қазақстан Җумһурийити Әмгәк вә аһалини иҗтимаий һимайә қилиш министрлигигә Қазақстан Җумһурийити Ички ишлар министрлигиниң хәлиқниң көчүп-қонуши, уни идариләр ара уйғунлаштурушни әмәлгә ашуруш, көчүп-қонушни рәтләш вә мониторинглаш саһасидики чарә-тәдбирләр системисини тәйярлаш, қанунсиз көчүп-қонушқа қарши чариләр бойичә вәзипиләр билән вакаләтликләрни қошмиғанда, көчүп-қонушни рәтләш, чәт әлликләр билән гражданлиғи йоқ адәмләрни һесапқа вә ройхәткә елиш, уларниң вақитлиқ вә турақлиқ ройхәткә елиниши, мәмликәттин турақлиқ маканиға кетиш һөҗҗәтлирини рәсмийләштүрүш, гражданларни һөҗҗәт билән тәминләш, һесапқа вә ройхәткә елиш саһасидики дөләтлик сәясәтни әмәлгә ашуруш бойичә, шундақла қачақлар мәсилилири бойичә вәзипиләр билән вакаләтликләр берилсун. 5. Қазақстан Җумһурийитиниң Һөкүмити: 1) Монуларни: Қазақстан Җумһурийити Регионлуқ тәрәққият министрлигиниң Қурулуш вә турушлуқ өй-коммуналлиқ егилиги ишлири комитетини; Қазақстан Җумһурийити Регионлуқ тәрәққият министрлигиниң Тиҗарәтчиликни тәрәққий әткүзүш комитетини; Қазақстан Җумһурийити Регионлуқ тәрәққият министрлигиниң Йәр ресурслирини башқуруш комитетини; Қазақстан Җумһурийити Индустрия вә йеңи технологияләр министрлигиниң Атом энергияси комитетини; Қазақстан Җумһурийити Әмгәк вә аһалини иҗтимаий һимайә қилиш министрлигиниң Көчүп-қонуш комитетини; Қазақстан Җумһурийити Әтрап муһитни қоғдаш министрлигиниң Белиқ егилиги комитети билән Орман вә очилиқ егилиги комитетини қурушни тәминлисун; 2) Қазақстан Җумһурийитиниң қайта уюштурулидиған дөләтлик органлириниң штат бирлигини қайта бөлүшни тәминлисун; 3) Мошу Пәрманни әмәлгә ашуруш бойичә башқиму һаҗәтлик чариләрни қобул қилсун. 6. «Қазақстан Җумһурийити Һөкүмитиниң қурулуми тоғрилиқ» Қазақстан Җумһурийити Президентиниң 1999-жили 22-январьдики №6 Пәрманиға төвәндики өзгиришләр билән толуқтурушлар киргүзүлсун; 1-тармақта: «Қазақстан Җумһурийитиниң Әтрап муһитни қоғдаш министрлиги» дегән қурдин кейин төвәндики мәзмундики қур билән толуқтурулсун: «Қазақстан Җумһурийити Регионлуқ тәрәққият министрлиги»; мону: «Қазақстан Җумһурийитиниң Ихтисадий тәрәққият вә сода министрлиги» дегән қур мундақ редакциядә йезилсун: «Қазақстан Җумһурийити Ихтисат вә бюджетлиқ планлаш министрлиги»; мону: «Қазақстан Җумһурийити Йәр ресурслирини башқуруш бойичә агентлиғи» «Қазақстан Җумһурийити Қурулуш вә турушлуқ өй-коммуналлиқ егилиги ишлири агентлиғи» «Қазақстан Җумһурийити Атом энергияси агентлиғи» дегән қурлар елип ташлансун. 7. Мошу Пәрманниң орунлинишини назарәт қилиш Қазақстан Җумһурийити Президентиниң Мәмурийитигә жүкләнсун. 8. Мошу Пәрман имзаланған күнидин тартип күчигә кириду.

Қазақстан Җумһурийитиниң Президенти

Н.НАЗАРБАЕВ.

Астана, Ақорда, 2013-жил 16-январь. № 466.  

247 рет

көрсетілді

0

пікір
Алдыңғы мақала Миллий план қобул қилинди
Келесі мақала Йеңи вәзипиләр жүкләнди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

28 Қазан, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы