• Йеңилиқлар
  • 28 Қаңтар, 2013

Йеңи вәзипиләр жүкләнди

Бурнакүн Дөләт рәһбири Нурсултан Назарбаев елимизниң һазирқи тәрәққиятиниң муһим мәсилилири бойичә кеңәшмә өткүзди, дәп хәвәрләйду Қазақстан Җумһурийити Президентиниң мәтбуат хизмити. Кеңәшмигә Премьер-Министр Серик Ахметов, Президент Мәмурийитиниң Рәһбири Кәрим Мәсимов вә «Нур Отан» ХДП Рәисиниң биринчи орунбасари Бақытжан Сағынтаев қатнашти. Астанада ЭКСПО-2017 көргәзмисини уюштуруш мәсилиси, регионларни тәрәққий әткүзүш, җүмлидин һава райиниң қолайсизлиғидин зәрдап чәккән вилайәтләрдики әһвални турақлаштурушқа қаритилип қобул қилинидиған чарә-тәдбирләр муһакимә қилинди. — ЭКСПО-2017 көргәзмисини өткүзүшкә һазирдин башлап тәйярлиниш керәк. Дөләтлик компания қуруп, униң рәһбирини тайинлаш керәк. Бийил биз лайиһиләшниң барлиқ мәсилисини аяқлаштуруп, қурулуш ишлирини башлишимиз керәк. ЭКСПО-2017 көргәзмисини үчинчи индустрияләштүрүш инқилавиға өтүш мәркизигә айландурған әһмийәтлик. У турақлиқ ихтисат, мәлум жуқури технологиялик материалларни ишләпчиқириш, йеңилинған энергия мәнбәлирини қуруш, кадрларни тәйярлаш вә башқа мәсилиләрни өз ичигә алиду, — деди Нурсултан Назарбаев. Дөләт рәһбири бүгүнму елимизда регионларни тәрәққий әткүзүш мәсилисигә алаһидә диққәт бөлүнүватқанлиғини тилға алди. — Һазир биз регионлуқ һакимийәт органлириниң вакаләтлигини ашуруватимиз — башқуруш тоғрилиқ барлиқ иш уттур регионларда өтиду, шуңлашқа бизгә вилайәтләрни тәрәққий әткүзүш мәсилиси билән турақлиқ шуғуллинишимиз һаҗәт. Мошуниңға мунасивәтлик Регионлуқ тәрәққият министрлигини қуруш тоғрилиқ Һөкүмәтниң тәкливини қоллап-қувәтләймиз, — деди Нурсултан Назарбаев. Шуниң билән биллә, Қазақстан Президенти бийилқи қишта қарниң нурғун йеғиши түпәйли әтияздики су ташқининиң алдини елишқа тәйярлиқ ишлирини жүргүзүш вә тәбиий апәтләр ақивәтлиригә йол қоймаслиқ бойичә чариләрни көрүп, барлиқ су тосмилири билән ериқларға алдин-ала тәкшүрүш ишлирини жүргүзүшниң муһимлиғиға тохталди. Кеңәшмә нәтиҗиси бойичә Дөләт рәһбири елимизниң техиму нәтиҗидарлиқ тәрәққиятини тәминләш бойичә бирқатар ениқ тапшурмиларни бәрди.  

175 рет

көрсетілді

0

пікір
Алдыңғы мақала Қазақстан Җумһурийитиниң дөләтлик башқуруш системисини техиму мукәммәлләштүрүш тоғрилиқ
Келесі мақала Календарьниң тарихи

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

14 Қазан, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы