• Йеңилиқлар
  • 22 Ақпан, 2013

БӘЙНӘЛМИЛӘЛ- ҖӘҢЧИЛӘР БИЛӘН УЧРАШТИ

Йеқинда Челәк йезисиниң китапханисида, мәзкүр йезидики Авған урушиниң қатнашчилири билән учришиш болуп өтти. Учришишта китапхана хадими Нуржамал Зорханова көплигән ата-аниларни пәрзәндидин, қериндишидин бевақит айрип, жүрәкләрни зедә қилған Авған уруши һәққидә қисқичә әхбарат бәрди. Андин Авған урушиниң ветеранлири — Руслан Әшекеев, Авдун Исламов, Ахметқали Исқақов, Алексей Займидорога, Владимир Рябцев уруштики хатирилири билән бөлүшти. Өз новитидә, Абай намидики мәктәпниң мудири Шара Сатқожаева билән мәзкүр мәктәп йенидики интернатниң мәсъул хадими Айгүл Күбенбаева вәтән алдидики борчини өтәп қайтқан жутдашлириға илтипат билдүрүп, уларниң әрлигини келәчәк яшларға үлгә қилип көрсәтти. Ахирида сөз алған Челәк регионлуқ «Чернобыль вә Авғанстан» җәмийәтлик бирләшмисиниң рәиси Ержан Омаров бәйнәлмиләл-җәңчиләргә хатирә соғиларни тапшурди.

Зоһра ИСИДУЛЛАЕВА.

Әмгәкчиқазақ наһийәси.  

434 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы