• Концерт
  • 01 Наурыз, 2013

“Салам хәлқим”

Йеқинда “Алмута концерт залида” яш нахшичи Имран Иминҗановниң «Салам, хәлқим!» намлиқ йәккә концерти болуп өтти. Концерт башлиништин авал көпчиликниң диққитигә яш сәнъәткар һәққидә чүширилгән һөҗҗәтлик фильм һавалә қилинди. Андин риясәтчиләр Данияр Қунахунов билән Малика Нәзәрова сәһнигә Имран Иминҗановни тәклип қилди. У «Салам, хәлқим» нахшиси билән тамашибинларға салам йоллиди. Шуниңдин кейин «Ана юрт », «Устаз», «Атам», «Сөзүм бар», «Қара көз», «Уйғур оғли», «Несиһәт», «Үч пәдә», «Сеғиндиңму?», «Чирайлиқ қиз» намлиқ нахшиларни тамашибинларниң һозуриға тәғдим қилди.  Бу күни Имранни қоллап-қувәтләп кәлгән «Нур», «Шох жигитләр» топлири, «Баһар», «Санрайс» уссулчилар топлири, шундақла Сәһәрдин Йүсүпов, Нуридин Ғазиев, Муштәри Исламова, Гүлсәнәм Мәшүрова кәби нахшичилар өзлириниң нахша-уссуллири билән яш сәнъәткарниң йәккә концертини техиму қиздуруп бәрди.  Имран кичигидинла нахша ейтишқа иштияқ бағлап өсти. Униңға сәнъәтниң қир-сирлирини үгиништә Абдулла Розибақиев намидики 153- мәктәп-гимназияниң нахша пәниниң муәллими Надийәм Рембақиева билән «Азия плюс рекордс» студиясиниң мудири Сәһәрдин Йүсүпов йеқиндин ярдәм көрсәтти. Имран 2008-жили Астана шәһиридә өткән «Час юных звезд» көрүгиниң лауреати, 2010-жили яш иҗрачилар арисида өткән Рошәнгүл Илахунова намидики конкурсниң дипломанти, 2011-жили Алмута шәһиридики мәктәпләр арисида уюштурулған сәнъәт көрүгиниң лауреати аталди. У бу конкурсларда ана тилидин бөләк қазақ, түрк, һинд тиллирида нахшиларни орунлап, көпчиликниң һөрмитигә бөләнгән еди.  Яш нахшичиниң бу қетимқи «Шох жигитләр» топи билән орунлиған «Атамекен» вә һиндчә «Танцор диско» нахшилириму тамашибинлар тәрипидин қизғин қарши елинди. Имранниң бу нахшилириға «Баһар» уссулчилар топи билән яш уссулчи Халинур Сабирова җор болди. Гүлҗамал ӘМӘТБАҚИЕВА.

237 рет

көрсетілді

0

пікір
Алдыңғы мақала Сәһнидә — Рәнагүл
Келесі мақала Һәм күлдүрди, һәм ойландурди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

25 Қараша, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы