• Йеңилиқлар
  • 01 Наурыз, 2013

Келәчәккә йол

26-февраль күни Премьер-Министр Серик Ахметовниң рәислигидә өткән Һөкүмәт мәҗлисидә «Қазақстан — 2020: келәчәккә йол» дөләтлик яшлар сәяситиниң концепцияси қобул қилинди. Бу концепция Президентниң Қазақстан хәлқи Ассамблеясиниң XІX сессиясидә, Қазақстанниң иҗтимаий йеңилиниши тоғрилиқ мақалисида, «Жас Отанниң» қурултийида вә «Қазақстан — 2050» Стратегиясидә ениқланған асасий қаидиләрниң һәммисини өз ичигә алиду. «Йеңи концепцияниң алаһидилиги — у пәқәт билим елишни халайдиған яшларғила беғишланмиған. У ишләйдиған, өзини-өзи иш билән тәминлигән, шундақла ишсиз жүргән яшларниң мәнпийәтлириниму көздә тутиду», деди мәҗлискә қатнашқан Билим вә пән министри Бақытжан Жумағулов. Баш қошушта Мәдәнийәт вә әхбарат министри Мухтар Қул-Мухаммед, Әмгәк вә хәлиқни иҗтимаий һимайә қилиш министри Серик Әбденов концепция бойичә өзлириниң ой-пикирлири билән ортақлашти. Мәҗлис ахирида Һөкүмәт рәһбири тегишлик министрликләр бирлишип, мошу жилниң 15-мартиға қәдәр концепцияни әмәлгә ашуруш бойичә чарә-тәдбирләр планини ишләп чиқишни, шундақла қанун лайиһисини өз мәзгилидә Һөкүмәт билән Парламентқа тәклип қилишни тапшурди. 

393 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы