- Йеңилиқлар
- 01 Наурыз, 2013
Шәриқшунаслиқ институтида — йеңи мудир
Мошу һәптиниң дүшәнбә күни Қазақстан Җумһурийити билим вә пән министри Бақытжан Жумағулов Р.Сүлейменов намидики Шәриқшунаслиқ институтиниң коллективи билән учришип, йеңидин тайинланған мудирни — илгири Қазақстан Мусулманлири диний башқармисиға рәһбәрлик қилған көрнәклик әрәпшунас вә шәриқшунас Әбсаттар һаҗи Дербисәлини тонуштурди.
Өз новитидә Б.Жумағулов мәзкүр институт ечилған күндин башлап униң мудири болған Меруерт Абусеитоваға әмәлгә ашурған ишлири үчүн миннәтдарлиқ изһар қилди, униң Қазақстан дөләтчилигиниң шәкиллиниши вә тәрәққияти мәсилилири бойичә елип бериватқан илмий ишлириға жуқури баһа бәрди.
М.Абусеитова мәзкүр институтниң Шәриқ мәнбәшунаслиғи, Шәриқниң тарихи вә мәдәнийити бөлүминиң башлиғи лавазимини егилиди.
384 рет
көрсетілді0
пікір
