• Сәнъәт
  • 12 Наурыз, 2013

БАЛЕТ — СӘНЪӘТНИҢ ӘҢ ГӨЗӘЛ ВӘ ҚИЙИН ТҮРИ

Мукарәм Абубәкриева алди билән қандақ уссулчи болуп қалғанлиғини әслиди. —   Биздә уссул ойнимайдиған уйғур йоқ болса керәк, — күлди у. — Уйғурчә нахша яңриғанда бизниң уйғурлар йә иҗрачиға җор болиду, яки болмиса уссул ойнайду. Мән буни есимға киргәндин бери байқап келиватимән. Мениң балет уссулчиси болушумғиму әйнә шу сәнъәткә болған иштияқим сәвәп болди. —   Сиз нәччә йешиңиздин тартип уссул ойнаватисиз? —   Дадамниң ейтишиға қариғанда, төрт йешимдин башлап уссул ойнаптимән. У өзи наһайити сәнъәтхумар адәм болғачқа, маңа барлиқ шараитларни яратти, һәтта миллий кийим-кечәкләрниму маңа өзи елип берәтти. Бәш яшқа кәлгинимдә, апам мени өзиниң йеқин дости арқилиқ атақлиқ уссулчи Гүлнарә Сайитоваға тонуштурупту. Гүлнарә Йүсүп қизи маңа кәспий уссулчи ретидә әмәс, адәттики ана ретидә баһа берипту. «Мукарәм техи гөдәк, у чоң болғичә йәнә нәччә кәсипни таллиши мүмкин» дегән екән. Бу гәпни у буниңдин жигирмә бәш жил илгири ейтқан. —   Атақлиқ уссулчиниң ейтқинидәк болдиму? —   Амма ата-анам «қизимиз уссулчи болиду» дегинидин қайтмиди. У вақитта биз Яркәнттә тураттуқ. Мән шәһәрдики Крупская намидики мәктәпни тамамлап,  ата-анамниң хаһиши бойичә Алмутиға келип, Селезнев намидики хореография училищениң балет бөлүмигә оқушқа чүштүм. Бирақ оқуш җәриянида бир қатар қийинчилиқларни баштин кәчүрдүм. Устазлар «бу қизниң уссулчи болидиғанлиғи көзидин көрүнүп туриду. Амма униңдин кәспий балетчи чиқмайду» дәп қарши болди. Тәлийимгә Мая Тиранова исимлиқ уйғур педагоги мениң билән көп ишлиди. Балет — бу сәнъәтниң әң гөзәл һәм әң қийин түри. Бирақ мән мундақ еғир кәсипни таллавалғинимға һеч қачан өкүнмәймән. Бу, әлвәттә, ата-анам Сәйдаким вә Мунәввәр Абубәкриевларниң әмгиги. 2000-жили мәзкүр билим дәргаһини муваппәқийәтлик тамамлап, мана он жилдин бу ян Абай намидики Дөләт опера вә балет театрида ишләватимән. Ишләп жүрүп Жүргенов намидики сәнъәт академиясиниң режиссер-хореограф факультетида тәһсил көрдүм. 2011-жили магистратурини тамамлап, һазир илмий ишлар билән шуғуллиниватимән. Умумән, балетниң қир-сирлирини техиму чоңқурирақ үгинишкә бәл бағлидим. Униңдин башқа академиядә студентларға дәрис беримән. Көплигән театрлардики қоюлумларни сәһниләштүрүшкә қатнишиватимән. Шагиртлириңиз көпму? — Көп дәп ейталмаймән. Амма санақлиқ болсиму, хелә утуқларға йәткән шагиртлирим бар. Шуларниң бири «Шабыт» җумһурийәтлик фестивалиниң ғалибиАйгерим Жумағулова.  Өткәндә у Алмутида өткән балет артистлириниң хәлиқара конкурсида мукапатлиқ орунға еришти. —   Сиздин башқа балет билән шуғуллинидиған уйғурлар барму? —   Кейинки вақитта сәнъәтниң бу түри бойичә билим еливатқанларни хелә учраттим. Мениң билән биллә ишләйдиған икки уйғур жигити бар. Һәр иккилисиниң исми Руслан, бириниң фамилияси Қадиров, йәнә бириниң Һәмраев. Наһайити талантлиқ жигитләр. —   Ейтмақчи, аилиңиз һәқ­қидә билишкә боламду? —        Әлвәттә, йолдишим Арман — кәспи бойичә дирижер. Иккимиз мошу театрда тонуштуқ. Амина исимлиқ қизимиз бар. Аз күндә төрт яшқа толиду. Һазир уни көрсәм, өзәмниң балилиғим әскә чүшиду. Уму уссулға қизиқиду. Қизимизниң бизниң йолумиз билән маңидиғанлиғиға гуманим йоқ. Чүнки у мошу театрда чоң болуватиду.

644 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы