- Йеңилиқлар
- 15 Наурыз, 2013
ҖӨНДӘШ ИШЛИРИ БАШЛИНИДУ
Март ейиниң ахирида Алмута шәһириниң кочилирида җөндәш ишлири башлиниду. Бу һәқтә Алмута шәһәрлик һакиминиң орунбасари Булат Сауранбаев йеқинда өткән кеңәшмидә тәкитлиди.
Кочилардики ойман-чоңқурларниң нурғуни өткән жили пәвқуладдә әһвалларни йоқитиш вә су, исситиш тармақлирини җөндәш ишлири ақивитидин пәйда болған. Шәһәр һакими орунбасариниң мәлуматичә, бийил Райымбек проспекти мурәккәп җөндәштин өтиду, 57,7 километр йолда еқимдики җөндәш ишлири жүргүзүлиду.Шундақла, умумий мәйдани 24300 квадрат метрлиқ ойман-чоңқурлар җөндәлмәкчи. Бу мәхсәтләр үчүн 400 миллион тәңгә аҗритилди.
Мошу жилниң 15-апрелиғичә Әл-Фараби вә Розибақиев кочилириниң қийилишидики йол тармиғидики көрүкни ишқа қошуш көздә тутулмақта. Әнди бу кочиларниң транспорт өткүзүш ихтидари кәңийиду.
Кеңәшмигә қатнашқан шәһәрдики асасий икки асфальтобетон карханилириниң вәкиллири заводларниң җөндәш ишлири вә йеңи йолларни селиш үчүн һаҗәт болған мәһсулат билән толуқ тәминләшкә тәйяр екәнлигини тәкитләшти.
Һазир барлиқ тәйярлиқ ишлири жүргүзүлүватиду. Кәң көләмдики ишлар пәқәт һава райи ечилип, тәбиий шараит яр бәргәндә башланмақчи.
446 рет
көрсетілді0
пікір