• Йеңилиқлар
  • 15 Наурыз, 2013

ЕЛИМНИҢ ТӘҒДИРИ – МЕНИҢ ТӘҒДИРИМ

Мәлумки, нәқ мошундақ шиар астида җумһурийәтлик көпфункционаллиқ Назарбаев мәркизиниң уюштурушида өткән жили җумһурийәтлик форум өткүзүлгән еди. Бийил бу әнъәнә наһийә, вилайәт вә җумһурийәт даирисидә давамлаштурулуп, шуниңға даир Уйғур наһийәсидә дәсләпки форум болуп өтти. Униңға өз вақтида наһийәмиз тәрәққиятиға мунасип үлүшини қошқан уруш вә әмгәк ветеранлири, мустәқиллик жиллири тәдбирчанлиғи билән тонулған рәһбәрләр билән бюджетлиқ саһалар хадимлири, йезилиқ округлар һакимлири, җәмийәтлик тәшкилатлар вә кәң җамаәтчилик вәкиллири һәм һәрбий хизмәтчиләр қатнишип, мәрасим Улуқ Вәтән урушида қаза болған жутдашлар хатирисигә орнитилған ядикарлиққа гүлдәстиләр қоюштин башланди. Андин форум өз ишини башлап, униң иштракчилириға мустәқил елимизниң дәсләпки қәдәмлири билән изчил тәрәққияти, течлиқпәрвәр сәясити вә теҗәмкар ихтисади түпәйли қол йәткүзгән бәләнт утуқлири билән дуниявий аброй-һөрмити һәққидә чүширилгән «Елимниң тәғдири — мениң тәғдирим» намлиқ һөҗҗәтлик фильм көрситилди. Шуниңдин кейин наһийә һакими Көйүмчан Өмәров сөзгә чиқип, дөлитимизниң бирпүтүнлүги билән бехәтәрлигини, елимиз хәлқиниң достлуғи вә җәмийәтлик турақлиқни сақлаш, дунияға тонулған Қазақстан мәмликитиниң аләмшумул утуқлири билән муваппәқийәтлирини кәң амма арисида тәрғип қилишни мәхсәт қилған форумниң әһмийитигә тохталди. Наһийәмиздиму елимиз тәрәққиятиға сезиләрлик дәриҗидә үлүш қошуп, Милләт лидери Нурсултан Назарбаевниң дана сәяситини, хәлиқләр достлуғи билән турақлиқниң бебаһа қәдрийәтлирини әл ичидә тәрғип қиливатқан жутдашлиримиз көпләп санилиду. Яшлиримизму парлақ келәчәк қурушта паалийәтчанлиғини тонутуватиду. Демәк, бирлик, инақлиқ вә қериндашлиқ риштилири мустәһкәм әл дайим бәрикә вә течлиқ макани болмақ дегән пикир билән наһийә һакими нутқини тамамлап, форум иштракчилириға утуқ тилиди. Андин сөз новити вилайәтлик ички сәясәт бөлүминиң башлиғи Ғалым Җазылбековқа берилип, у елимиз Президентиниң сәяситини, тәрәққият йөнилишлирини, хәлиқләр вә конфессияләр ара разимәнлик, турақлиқ вә достлуқни сақлаш һәм бейитишниң, келәчәк әвлатни вәтәнпәрвәрлик роһта тәрбийиләшниң әһмийитигә тохтилип, наһийәмизниң бүгүни билән кәлгүси һәқ­қидә ой-пикрини изһар қилди.  Форум қатнашқучилирини тәбрикләп, шундақла, уруш вә әмгәк ветерани Павел Щербаков, бәйнәл­ми­ләл-җәңчи Жеңис Тойшибеков, Алмута вилайитиниң Пәхрий пухраси Нурвәг Сейитов, пешқәдәм устаз Екатерина Кожевникова вә Рая Сартолова сөзгә чиқти. Улар өзлириниң киндик қени тамған қутлуқ диярда өткән һаяти вә шанлиқ әмгәк йолиға тохтилип, яш әвлат вәкиллирини ана жут вә елимиз кәлгүси үчүн аянмай әмгәк қилишқа чақирди. Дөләт чегариси күзитиниң ишәшлик қолларда екәнлигини қәйт қилған яш һәрбий хизмәтчиләр Рамил Яқупов билән Меһришат Һашимахуновму қәлб әмри билән таллавалған кәспигә садиқ болуп, әл тинчлиғи үчүн адил хизмәт қилишқа тәйяр екәнлигини тәкитлиди.  Ейтиш керәкки, форумниң тәсирлик өтүшигә наһийәниң мәдәнийәт саһаси хадимлири, һәрбий оркестр, мәктәп муәллимлири билән оқуғучилар тилға аларлиқ дәриҗидә тәйярлинипту. Уларниң хә­лиқләр достлуғи, урпи-адәтлири мавзусида тәйяр­лиған сәһнә көрүнүшлири билән вәтәнпәрвәрлик роһта суғирилған нахшилири форум иштракчилириниң қәлбидә өз елиға болған мәғрурлиниш вә пәхирлиниш сезимлирини улғайтти.

Махмут ИСРАПИЛОВ.

 Уйғур наһийәси.    

227 рет

көрсетілді

0

пікір
Алдыңғы мақала ҖӨНДӘШ ИШЛИРИ БАШЛИНИДУ
Келесі мақала Аялларниң пенсия йеши әрләр билән тәңләштүрүләмду?

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Қазан, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы