• Йеңилиқлар
  • 15 Наурыз, 2013

Аялларниң пенсия йеши әрләр билән тәңләштүрүләмду?

12-март күни Мәҗлистә Әмгәк вә аһалини иҗтимаий һимайә қилиш министри Серик Әбденов депутатларға пенсия пули билән тәминләш бойичә қанун лайиһисиниң йеңи редакциясини тонуштурди. Бу хәлиқ көптин бери күтүватқан қанун лайиһиси болғачқа, униңға нисбәтән қизиқишму күчлүк болди. Министр өзиниң сөзидә елимизда пенсия пули билән тәминләш системисини ислаһат қилиш 1998-жили җарий қилинғанлиғини әслитип өтти. Шуниңдин бери Қазақстанда тәшкил қилинған 10 пенсия пулини топлаш фондиға 3 триллион тәңгә жиғилипту. Әндики мәхсәт — мошу фондларниң һәммисини бирләштүрүп, Қазақстан Һөкүмити башқуридиған Бирпүтүн пенсия пулини топлаш фондини қуруш. Йеңи қанун бойичә Бирпүтүн пенсия пулини топлаш фонди акционерлиқ җәмийәт асасида қурулуп, униң тәсисчиси вә акционери Қазақстан Җумһурийитиниң Һөкүмити болиду. Униңға Қазақстан гражданлириниң барлиқ мәҗбурий пенсия пули төләмлири топлиниду. Министрниң тәкитлишичә, мәҗбурий пенсия пули төләмлирини төләйдиған адәмләрниң сани — 3,7 миллион. Бу — әмгәк қилиш йешидики адәмләрниң 41 пайизи. Қанун лайиһисидә ишсиз жүргән, вақитлиқ ишләйдиған яки өзини-өзи тәминләватқан адәмләрни пенсия пули төләмлирини толуқ төләшкә мәнпийәтдар қилиш йоллири қараштурулған. Йәнә бир муһим мәсилә, аялларниң пенсия йешини өзгәртишкә мунасивәтлик. — Һазир, — деди министр, — барлиқ моҗут пенсия пули һесап-чотлириниң 45 пайизи аялларға тәәллуқ. Бирақ, оттура һесап билән алғанда, уларниң топлиған пенсия пули әрләрниңкигә қариғанда, 25 пайиз төвән. Бу уларниң пенсиягә әтигән чиқип (58 яш), топланған пулини тез хәшләветишигә елип келиду. Шуниң билән биллә бүгүн пенсия йешидики аялларниң 12 пайизиниң бирләш­кән пенсия пулини (капаләтләндүрүлгән пенсия пули билән биллә) елишқа әмгәк стажи йәтмәйду. Шуңлашқа аялларниң пенсия йешини әрләр билән тәңләштүрүшни тәклип қилимиз, — деди министр. Бу мәсилә депутатларда нурғунлиған соалларни пәйда қилди. Уларға җавап бәргән министр мәсилини дәрру һәл қилмай, аялларниң пенсия йешини он жил давамида һәр жили алтә айға узартиш арқилиқ әмәлгә ашурушни тәклип қилди. Мәлум болушичә, аялларниң пенсия йешини 2014-жилдин башлап көтириш нийәт қилинмақта.

141 рет

көрсетілді

0

пікір
Алдыңғы мақала ЕЛИМНИҢ ТӘҒДИРИ – МЕНИҢ ТӘҒДИРИМ
Келесі мақала Премьер-Министр Алмутида тиҗарәтчиләр билән учрашти

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

28 Қазан, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы