• Йеңилиқлар
  • 15 Наурыз, 2013

Премьер-Министр Алмутида тиҗарәтчиләр билән учрашти

Түнүгүн Қазақстанниң Премьер-Министри Серик Ахметов Алмутиға  болған иш сәпири даирисидә тиҗарәтчиләр билән учришип, оттура вә кичик тиҗарәтни тәрәққий әткүзүшниң муһим мәсилилирини муһакимә қилди, дәп хәвәрләйду Һөкүмәт рәһбириниң мәтбуат хизмити. С.Ахметов җәнубий пайтәхтниң иҗтимаий-ихтисадий тәрәққиятида тиҗарәтчиликниң алаһидә роль атқуридиғанлиғини тәкитләп, Алмута Қазақстанниң малийәвий вә бизнес-мәркизи болуватқанлиғини, «актив вә креатив тиҗарәтчиләр, вәтән бизнесиниң нурғунлиған лидерлири ишләватқанлиғини» қәйт қилди. Сөһбәтлишиш җәриянида Премьер-Министр дөләт тиҗарәтни қоллап-қувәтләш үчүн шараит яритиватқанлиғини, җүмлидин «Тиҗарәтниң йол хәритиси-2020», «Ишләпчиқириш мәһсулдарлиғи-2020», «Экспортер-2020», «Агробизнес-2020» дөләт тәрәққият программилириниң ишләватқанлиғини тәкитлиди. Учришиш давамида җумһурийәттә тәкшүрүшләрниң вә рухсәт қилиш һөҗҗәтлири саниниң хелила қисқарғанлиғи, шундақла лицензия вә рухсәт қилишниң барлиқ түрлирини 30 пайизға қисқартиш бойичә қанунниң қобул қилинғанлиғи тоғрилиқ сөз болди. Пат-йеқинда «электронлуқ һөкүмәт» лайиһиси даирисидә тәләп қилинидиған әң зөрүр 80 рухсәтнамә билән лицензияни Интернет арқилиқ елишқа болиду. С.Ахметовниң пикричә, тиҗарәтчиләрниң саһалиқ вә регионаллиқ тәрәққият программилирини ишләшкә қатнишиши, қанунийәтниң нәтиҗидарлиғи һакимийәт билән бизнесниң өз ара һәмкарлиғини кәңәйтишкә, җәмийәтлик назарәтни мустәһкәмләшкә ярдәм бериду вә «у һәм җәмийәтниң, һәм бизнесниң мәнпийитигә хизмәт қилиду».   

476 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы