• Йеңилиқлар
  • 26 Сәуір, 2013

Өз хаһиши билән таллайду

Гезитимизниң 10-санида («Уйғур авази», 8.03.13. «Җиддий тәйярлиқлар һаҗәт») бийил алий оқуш орунлириға чүшүшни халиғучилар арисида комплекслиқ тест тапшурушниң норматив һөҗҗәтлиригә киргүзүлүши мүмкин болған өзгиришләр тоғрилиқ мақалә елан қилинған еди. Шуниңдин кейин тәһриратимизға мошу мәсилигә мунасивәтлик  һәрхил мәзмундики хәтләр келип чүшти. Уларниң көпчилигидә муәллипләр аталған һөҗҗәткә өзгиришләрниң киргүзүлүшигә наразилиғини изһар қилған. Шуңлашқа мәзкүр мәсилигә мунасивәтлик хәт тәһриратимизға келиши биләнла, уни гезитханлиримизниң диққитигә һавалә қилишни тоғра көрдуқ. Миллий тест мәркизи тәрипидин йезилған бу хәтни тәһриратимизға йоллиған — җумһурийәтлик Уйғур этномәдәнийәт мәркизиниң йенидики Уйғур тилида билим беридиған мәктәпләр ассоциациясиниң рәиси Шавкәт Өмәров. Униңда миллий мәктәпләрдә билим еливатқан оқуғучиларниң Биртуташ миллий тестқа қатнишиши тоғрилиқ 2013-жили 19-февраль күни әвәтилгән хәтниң (№14-5.5/1-236) күчидин қалдурулғанлиғи тәкитләнгән. Йәни Қазақстан Җумһурийити Һөкүмитиниң 2012-жили 19-январь күни қобул қилған №111 қарариға вә 2012-жили 30-июнь (№896) күни киргүзүлгән өзгиришләргә бенаән, умумий оттура билим беридиған мәктәпләр учумкарлири, техникилиқ вә кәспий (башланғуч вә оттура кәспий) билим беридиған мәһкимиләрниң учумкарлири, хәлиқара оқуғучиларни алмаштуруш программиси бойичә чәт әлләрдә билим еливатқан оттура мәктәпниң учумкарлири, БМТқа қатнашмиған умумий билим беридиған мәктәпләрниң учумкарлири, қазақ вә рус тиллирида билим бәрмәйдиған умумий билим беридиған мәктәпләрниң учумкарлири һәм чәт әлдә билим алғанлар үчүн комплекслиқ тест өткүзүлиду. Мошуниңға мунасивәтлик уйғур, өзбәк, таҗик тиллирида билим беридиған мәктәпләрниң учумкарлири бийил алий оқуш орунлириға чүшүш үчүн өзлириниң шәхсий хаһишиға бағлиқ Биртуташ миллий тестқа яки комплекслиқ тестқа қатнишиш һоқуқиға егә. Йолдаш МОЛОТОВ.

117 рет

көрсетілді

0

пікір
Алдыңғы мақала Депутатлар билән учришишлар
Келесі мақала Индустрияләштүрүш хәритиси

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы