• Йеңилиқлар
  • 17 Мамыр, 2013

Баһарлиқлар йәнә биринчи

Өткән йәкшәнбә күни Алмута шәһиридики М.Яқупов намидики 101-мәктәп-гимназиядә уйғур тилида билим еливатқан оқуғучилар арисида волейболдин җумһурийәтлик турнирниң финаллиқ учришишлири болуп өтти. Алаһидә тәкитләш керәкки, мәзкүр турнир бийил иккинчи қетим өтүватиду вә бу мусабиқини уюштурушниң тәшәббускари һәм баш һамийи — «Бирлик» җәмийәтлик фонди. Турнирға Алмутида вә наһийәләрдә өткән таллаш оюнлирида ғалип чиққан бәш команда қатнашти. Улар Панфилов наһийәсидин Төвәнки Пәнҗим оттура мәктивиниң, Уйғур наһийәсидин Баһар йезисидики А.Розибақиев намидики мәктәпниң, Әмгәкчиқазақ наһийәсидин Маливай оттура мәктивиниң, Талғир наһийәсидин Туздыбастав йезисидики 31-мәктәпниң вә Алмута шәһиридики М.Яқупов намидики 101-мәктәп-гимназияниң командилири. Турнирниң ечилиш мәрасимида дәсләп сөз алған ҖУЭМ рәисиниң орунбасари Әркинҗан Тохтиев яш спортчиларға утуқ тиләп, ҖУЭМ намидин соғилар тапшурди. Өз новитидә Султанқорған жутиниң баш жигитбеши Ғәйрәт Мәмәтәлиев, «Инайәт» ассоциациясиниң рәиси Турғанҗан Розахуновму мусабиқә қатнашқучилирини тәбриклиди. Мәзкүр турнирни өткүзүшни қоллап-қувәтлигән «Бирлик» җәмийәтлик фондиниң президенти Адилҗан Зәйнавдун җай-җайларда таллаш оюнлириниң муваппәқийәтлик өтүшигә чоң үлүш қошқан шәхсләргә өз тәшәккүрини изһар қилди вә бүгүнкидәк спорт мусабиқилириниң яш әвлат арисида сағлам һаят тәризини тәрғип қилиштики ролини алаһидә тәкитлиди. Кәскин күрәш шараитида өткән мусабиқиниң йәкүни бойичә биринчи орунни өткән жили ғалип аталған Баһар йезисидики А.Розибақиев намидики мәктәпниң командиси, иккинчи орунни Маливай оттура мәктивиниң, үчинчи орунни М.Яқупов намидики 101-мәктәп-гимназияниң, төртинчи орунни болса, Төвәнки Пәнҗим оттура мәктивиниң командиси йеңивалди. Турнир ғалиплириға «Бирлик» җәмийәтлик фонди намидин  кубок вә маддий соғилар тәғдим қилинди.

Йолдаш МОЛОТОВ.

260 рет

көрсетілді

0

пікір
Алдыңғы мақала Ана йәрни қәдирлигән әр
Келесі мақала Келәчигидин үмүт қилимиз

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

13 Қаңтар, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы