• Йеңилиқлар
• 12 Наурыз, 2012

Сиз қайси гүлгә охшайсиз?

Көп чағларда ханим-қизларни гүлгә қияс қилиду. Төвәндики тест соаллириға җавап бериш арқилиқ, өзиңизниң қайси гүлгә охшайдиғанлиғиңизни биливалисиз. 1. Пат-патла ашиқ болуп қаламсиз? А. Әгәр һеч кимгә охшимайдиған шәхс болса. Ә. Йеқимлиқ әр кишини көрсәм. Б. Бирдинла ашиқ болалмаймән. В. Һә-ә. 2. Мәһлия қилишниң әң ишәшлик усули қандақ? А. Көзлиригә уттур қарап, күлүмсирәймән. Ә. Бирдинла сөзлишип кетимән. Б. Ярдәм сораймән. В. Көзлиримни хумалаштуруп, қараймән. 3. Өй җиһазлириңизниң қандақ орунлашқанлиғини қандақ тәрипләшкә болиду? А. Нәпис. Ә. Җүръәтлик. Б. Қолайлиқ. В. Әҗайип гөзәл. 4. Сизниң камчилиқлириңиз. А. Шәхспәрәс. Ә. Уттур сөзлүк. Б. Тәтүрлүк. В. Тәнтәк. 5. Һаятта немидин көпирәк тәшвишлинисиз? А. Ахчисиз қелиштин. Ә. Йеңи тәсиратларға егә болалмаслиқтин. Б. Достлар билән йеқинларниң ярдимисиз қелиштин. В. Әрләрниң диққитисиз қелиштин. 6. Достлириңиз сиз билән қандақ чағларда хәвәрлишиду? А. Қәриз соримақчи болғанда. Ә. Сорунға биллә баридиған һәмрайи болмиғанда. Б. Ярдәмгә муһтаҗ болғанда. В. Учрашқиси кәлгәндә. 7. Өзиңизниң асасий кәспий хислитиңиз намидин ибарәт дәп ойлайсиз? А. Чаққанлиқ. Ә. Алаһидилик. Б. Қувлуқ. В. Пухтилиқ. 8. Деңиз бойида дәм алғанда әвзәл көридиғиниңиз? А. Һадуқ елип йетиш. Ә. Һәр қандақ тавакәлчиликкә бәл бағлаш. Б. Кишиләр билән мунасивәт қилиш. В. Сәйлигә чиқиш. 9. Әрләргә хас қайси хусусийәтләрни әвзәл көрисиз? А. Диққәтчанлиқ, садиқлиқ, меһриванлиқ. Ә. Мәхсәткә интилиш, қаттиқ қоллуқ, мәптункарлиқ. Б. Әқиллик, адиллиқ, турмушқа пишшиқ болуш. В. Изгүлүк, өзигә ишәшлик болуш, ишәнчлик. 10. Әтигәнлиги оханғанда ичидиған ичимликлириңиз. А. Су. Ә. Кофе. Б. Чай. В. Ширна-шәрбәтләр. ТЕСТ НӘТИҖИЛИРИ Қандақ җавапларниң көпирәк екәнлигини һесаплап чиқиң. «А» — орхедея. Сизниң муҗәзиңиздә барлиқ дегидәк хисләтләр муҗәссәмләнгән. Қилған-әткәнлириңиз бәзидә мәнтиқигә уйғун кәлмәй, қизиқиш-һәвәслириңиз пат-патла өзгирип туриду. Сизниң пәқәт өзгиришчанлиқ хислитиңизла өзгәрмигән пети қалған. Әтрапиңизда мүҗәз-хулқи ғәлити адәмләр аз әмәс. Бирақ уларниң арисида сиз өзиңизни қолайлиқ һис қилисиз. «Ә» — лаләгүл. Келишкән қәдди-қимитиңиз, җүръәтлик иш-һәрикәтлириңиз сизни сағлам мәхсәт-муддиаға егә қилған. Башқиларниң ярдимигә, тәбиәтниң шәпқитигә таянмай, һәммә нәрсигә өзиңиз еришәләйсиз. Өзиңизгә көрситиливатқан ғәмхорлуқни миннәтдарлиқ билән қобул қилисиз. «Б» — ипаргүл. Сиз дайим шәк-шүбһиләрниң тәсиридә жүрисиз, сизгә тәсир қилиш оңай. Көп чағларда дәсләпки тәсиратиңизға ишинип қелип, тәҗрибигә асасланмайсиз. Сирттин қариғанда, муңлуқ көрүнгиниңиз билән, әмәлиятта тәтүрлүгиңиз йетип ашиду. Өзиңизни өзиңиз һимайә қилалайсиз. Муһәббәткә наһайити еһтиятчанлиқ билән қарайсиз. «В» — қизилгүл. Мошу гүлгә охшаш, дайим кишиләрниң диққәт мәркизидә жүрисиз. Лекин өзиңизниң үстүнлүккә егә екәнлигиңизни көрситишкә тиришмай, пәқәт лазим болғандила чоң имканийәтлириңизни намайиш  қилисиз. Сизниң мухлислириңиз нурғун. Муһәббәт отлири өчкәндиму, достанә мунасивәтләрни сақлап қалалайсиз. Сәрәмҗанлиқни вә садиқлиқ-вападарлиқни яхши көрисиз.