• Әхбаратлар еқими
  • 14 Маусым, 2013

«Әвлия чоққа бағридики Түгмән»

Уйғур яшлириниң җумһурийәтлик мәшриви қурулғандин кейин, бу яхши башланма җай-җайлардиму қизғин қолға елинди. Болупму йеза яшлири өмлишип, әҗдатлиримиздин мирас болуп келиватқан әдәп-әхлақ мәктиви болған мәшрәпни уюштурушқа бәл бағлимақта. Йеқинда Уйғур наһийәсиниң Түгмән йезисида әйнә шундақ яшларниң күч чиқириши билән «Әвлия чоққа бағридики Түгмән» мәшриви қурулди. Мәшрәп жуттин чиққан көрнәклик язғучи-журналист, мәрһум Камалдин Һасамдиновниң хатирисигә беғишланди. Мәшрәптә Түгмән йеза округиниң һакими Миршат Насиров, жигитбеши Йолдаш Исламов, шундақла хошна мәһәллиләрдин кәлгән Арупҗан Ваҗитов (Чонҗа), Пәрһат Мурдинов (Долата), Нурахун Дуганов (Ақтам), Зулмурат Кебиров (Кичик Ақсу) вә «Или тәвәси» гезитиниң баш муһәррири, «Илһам» мукапитиниң саһиби Абдуманап Аблизов  өзлириниң алий тиләклирини ейтип, мәшрәпкә утуқ тилиди. Сорунниң рәсмий бөлүмидин кейин пашшапбәгләрниң тәкливи билән һәрбир үстәлдин бир-икки адәм чиқип, ләтипиләрни ейтти вә нахшиларни иҗра қилди. «Гүлтавақ» барлиқ үстәлни айлинип болғандин кейин, наһийәлик «Арзу» хәлиқ ансамблиниң иҗрасидики хәлиқ нахшилири чаңқиған дилларниң услуғини қандурди. Андин мәшрәп өз қаидә-йосунлири асасида көңүллүк давамлашти. Мәшрәпниң новәттики «Гүлтавиғи» Долата вә Кичик Ақсу йезилиридин кәлгән яшларға тапшурулди. Шундақ қилип, мәшрәпни икки жутниң яшлири бирлишип өткүзидиған болди. Муһидин РОЗАХУНОВ. Уйғур наһийәси.   Балиларни хошал қилдуқ Йеқинда Қазақстан Уйғур яшлири бирлиги «Жас Отан» яшлар қанитиниң вәкиллири Талғир шәһиридики «Нур» хәйрихаһлиқ аиләвий балилар өйини зиярәт қилди. Мәзкүр балилар өйиниң асасини салған Туяқ Есқожина яшларни хуш чирай күтүвалди. Туяқ аниниң ейтип беришичә, у өзиниң йолдиши Ануарбек Байсарин билән 1998-жили Алмутидики өйини сетип, мәзкүр балилар өйини қурушқа бәл бағлиған. — Дәсләптә нурғун қийинчилиқларни баштин кәчүрүшкә тоғра кәлди, — дәйду Туяқ ана. — Биз үчүн балиларни дурус тәрбийиләш, яхши йолға башлаш, оқутуш, билим бериш асасий мәхсәт болди. Көпинчә бизгә саламәтлиги начар, тәртип-интизам чүшәнчилирини билмәйдиған балиларму кәлгән еди. Худаға шүкри, тәрбийилигән балилиримиз бизни йәргә қаратмиди. Һазир «Нур» балилар өйидә йүзгә йеқин бала тәрбийилиниветипту. Өткән жиллар ичидә мәзкүр балилар өйидин 350 бала учум болған. Уларниң  нурғуни Алмутидики һәрхил алий оқуш орунлирини пүтирип, үнүмлүк әмгәк қилмақта. Бу күни ҚУЯБниң вәкиллири Рустәм Қайриев, Зоһра Мәмәтниязова, Илшат Иминов, Ринат Һетахунов вә мәзкүр қурларниң муәллипи балилар билән һәрхил оюнларни уюштуруп, уларниң көңлини көтәрди, соғиларни тәғдим қилди.                 Динара ҚУРБАНОВА.    Йезидики мәдәнийәт күни Йеқинда Уйғур наһийәсиниң Ғалҗат йезисида «Билим, һүнәр вә сәньәт» мавзуси астида мәдәнийәт күни болуп өтти. У бийил уда алтинчи қетим уюштурулди. Бу күни мәктәпкә қарап йол тутқан чоң-кичикниң һәммисиниң мәйрәмлик кәйпият илкидә екәнлигини бирдин сезивелишқа болатти. Йеза аһалиси үчүн әйнә шундақ  чоң мәйрәмгә айланған бу мәрасимда дәсләпкиләрдин болуп мәктәп мудири Мәһәмәтҗан Абдурусулов сөз елип, мәдәнийәт күни мунасивити билән жиғилғанларни қизғин тәбриклиди. Андин мәзкүр мәрасимниң уюштурғучиси, филология пәнлириниң доктори, профессор Алимҗан Тиливалди мәдәнийәт күни даирисидә өткүзүлидиған «Билим, һүнәр вә сәньәт» көрүгиниң программиси билән тонуштурди. Шуниңдин кейин 7 — 11 синип оқуғучилири асасий пәнләрдин тест тапшуруп, шеирни ядқа оқуш, кәштә бесиш, шахмат, шашка вә футбол бойичә өзара күч синашти. Бир күн давам қилған бу күч синашта шахмат бойичә 8-синип оқуғучиси Бегзат Нурәдилов, шашкидин Нуршидин Музәппәров, қолһүнәрвәнчилик һәм тәсвирий сәнъәттин Қуддус Молутов билән Адаләт Һаҗиева баш мукапатларни йеңивалди. Мәдәнийәт күни даирисидә өткән шаир Нәзәрғоҗа Абдусемәтовниң хатирисигә беғишланған «Шаир—жутдашлар қәлбидә» мавзусидики мушаирәдә 9-синип оқуғучиси Һәбухан Новәрова биринчи орунни егилиди. Әнди футболдин болса, хошна Ачиноқа вә Түгмән йезилиридин кәлгән командилар билән мусабиқиға чүшкән саһипханлар ғалип чиқти. 7 — 11-синиплар арисида өткүзүлгән тест нәтиҗиси бойичә 11-синип оқуғучиси Жақсылық Иманали, 7-синип оқуғучиси Дилинур Аблақиева әң жуқури балл топлиған оқуғучилар қатаридин көрүнди. Мәзкүр чарә-тәдбирни уюштурғучилар жутдашлириға өзлириниң миннәтдарлиғини изһар қилип, жигитбеши Махмут Турдиевқа чапан кийгүзди. Мәдәнийәт күниниң ахири жутдашлар тәрипидин тәйярланған концерт программисиға улашти. Мәшүр САСИҚОВ.

306 рет

көрсетілді

1

пікір
Алдыңғы мақала Миң адәмлик оркестр
Келесі мақала Дунияда кәмбәғәлчилик йоқимай тәрәққиятқа тосалғу көп болиду

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Мусрятжан

14 Тамыз, 2020

Яша Тугман жутум ва Авлия чокка

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы