• Йеңилиқлар
• 05 Шілде, 2013

«Атуш адиминиң» маддий испатлири тепилди

«Атуш адиминиң» ташқа айланған баш сүйиги 1981-жили Атуштин тепилған болуп, мутәхәссисләрниң ейтишичә, униң кам дегәндә 17 миң жил илгири  өмүр сүргән 18 яш әтрапидики әр кишигә тәәллуқ екәнлиги ениқланған. Бу тепилма билән биллә тепилған таш вә бронза қураллири «Атуш адиминиң» зөрүр маддий испати болуши билән биллә бебаһа мәдәнийәт қиммитигә егә. Археологлар билән инсаншунаслар мәзкүр мәнбәләргә асасланған һалда ғәрбий тәвәдә иптидаий инсанларниң яшиғанлиғини алға сүрмәктә. Өз вақтида «Атуш адиминиң» ишләпчиқириш қураллириға аит аддий испатлар мәлум болмиғачқа, униң кона яки йеңи таш қурал дәвригә мәнсүплиги ениқланмай кәлгән.    www. mіsranіm. com «Уйғур ана тил мәктивигә — 7 жил» Йеқинда 2006-жили Австралияниң Сидней шәһиридә паалийәт елип бериватқан «Уйғур ана тил мәктивиниң» 7 жиллиғиға беғишланған мәрасим болуп өтти. Униңға мәктәптә оқуватқан 12 нәпәр оқуғучидин ташқири 50кә йеқин ата-ана қатнашти. Мәрасимда нутуқ сөзлигән Сәлимә Камал ханим муһаҗирәттики уйғурлар үчүн пәрзәнтлирини ана тилда оқутушниң әң муһим вә шәрәплик вәзипә екәнлигини тәкитлиди. Оқуғучилар уйғур тилида шеирларни оқуп, миллитигә, вәтинигә сөйгүсини ипадилигәндә ата-анилар һаяҗанлиғини басалмай қелишти. Синипқа илинған «Көп тиллиқ болуш — шәрәплик, ана тилни унтуш — җинайәт», «Ана тил — һоқуқ демәктур», «Ана тилни қоғдаш — һәрбир уйғурниң мәҗбурийити» дегән шиарлар оқуғучиларға ана тил әһмийитини намайән қилип туратти. Мәзкүр мәрасимда мәктәп оқуғучилиридин Рафилә Шөһрәт вә Илияс Адил «Ана тилни әң яхши үгәнгән оқуғучи» мукапитиға еришти. www.rfa.org Бельгиядин кәлгән хәт «Әссаламу әләйкүм! Өткән һәптидә мән истиқамәт қиливатқан Бельгия дөлитиниң Берлаар шәһиридә Алмутидин қәдәм тәшрип қилған «Дияр» ансамблиниң концерти болуп өтти. Сәһнидә уйғурниң миллий саз-нахшилири яңриғанда, залдики сүкүнат билән биз Вәтинимизни, жирақтики айрилип қалған уруқ-туққан, дост-бурадәрләрниң сеғиниш отида бәк һаяҗанландуқ. Һәммимиз хошаллиққа бөлинип, үзлиримиздә тәбәссүм әйлиди. «Дияр» уйғур ансамблиниң йетәкчиси Нурум Әхмәтовқа вә ансамбль әзалири Велахун Насир, Рустәм Ниязов, Сейитҗан Зайитовқа чоң рәхмәт ейтимиз. Уларға келәчәктә зор утуқлар тиләймиз. Асминиңларда дайим қуяш парлап турсун, йоллириңларда гүлләр паяндаздәк болуп, силәрдин җанаби Алла рази болсун, әзизлирим! Салам билән Гүлниса ТЕЙИПОВА.  www.parvaz.kz