• 1-сентябрь — Билим күни
  • 30 Тамыз, 2013

Йеңи вәзипиләр бәлгүләнди

Қелиплашқан әнъәнә бойичә наһийәдики билим бериш саһасиниң хадимлири йеңи оқуш жили һарписида баш қошуп, өткән оқуш жилиниң йәкүнлири билән кәлгүсидики вәзипиләр һәққидә әтраплиқ пикир елишти. Наһийәлик Мәдәнийәт өйидә өткән мәзкүр баш қошушни наһийә һакиминиң орунбасари Шөһрәт Қурбанов киришмә сөз билән ечип, риясәтчилик қилди. Наһийәлик Билим бөлүминиң башлиғи Бағира Жазилбекова болса, доклад билән сөзгә чиқти. Докладта атап көрситилгинидәк, 2013-жили билим бериш саһасини мәбләғләндүрүш 4 миллиард 248 миллион тәңгини тәшкил қилди. Шуниң нәтиҗисидә Нуркәнт шәһәрчисидә мәктәп билән балилар бағчисиниң йеңи беналири қәд көтәрди. Шундақла Инталы йезисидики мәктәпму йеңи бенаға көчирилди. Чоң Чиған йезисидики —120, Пәнҗим йезисидики 60 орунлуқ балилар бағчилири мурәккәп җөндәштин өткүзүлүп, пайдилинишқа берилди. Мошу күнләрдә болса, А.Луначарский намидики мәктәп-гимназияниң вә Җ.Босақов намидики оттура мәктәпниң исситиш системисиниң мурәккәп җөндәш ишлири жүргүзүлүватиду. Өткән оқуш жилида 46 оттура, 4 башланғуч мәктәпләр билән 1 сәнъәт мәктиви вә 8 дөләт балилар бағчилири паалийәт елип барди. 1233 учумкар мәктәпни тамамлап, улардин 763 йәни 62,2 пайизи Биртуташ миллий тестқа қатнашти. Тестниң йәкүни оттура һесап билән 65,8 баллни тәшкил қилди. Вилайәттә бу көрсәткүч 71,2 баллға тәң. Бу наһийә мәктәплиридики билим сүпитиниң дәриҗисини көрситиду. Кеңәшмидә Е.Сипатаев намидики оттура мәктәпниң мудири Дәулетқазы Әдилов, А.Луначарский намидики мәктәп-гимназияниң муәллими Дмитрий Устименко, наһийәлик «Улағат» җәмийәтлик ата-анилар кеңишиниң рәиси Еркин Қасымбеков, Яркәнт оттура мәктиви башланғуч һәрбий тәйярлиқ пәниниң муәллими Қайирбек Ибрайимжанов вә башқилар музакирә сөз сөзлиди. Кеңәшмигә қатнашқан Алмута вилайәтлик Билим бериш башқармиси башлиғиниң орунбасари Майгүл Омарова сөзгә чиқип, бүгүнки күндә җумһурийәттә билим бериш саһасида әмәлгә ашурулуватқан ислаһатлар вә устазларниң алдида турған вәзипиләр тоғрисида тәпсилий тохтилип өтти. Ахирида наһийә һакими Бөлтирик Жақыпов сөзгә чиқип, орун еливатқан камчилиқларни түзитиш үчүн җиддий чариләрни көрүш лазимлиғини алаһидә тәкитлиди. Кеңәшмидә жил йәкүни бойичә яхши нәтиҗиләрни қолға кәтүргән бир топ устазларға вилайәт вә наһийә һакиминиң пәхрий ярлиқлири һәм тәшәккүрнамилири тапшурулди.

Нурәхмәт ӘХМӘТОВ.

Панфилов наһийәси.

252 рет

көрсетілді

0

пікір
Алдыңғы мақала БАРНИ ЙОҚ ҚИЛИШ ОҢАЙ
Келесі мақала УСТАЗ МӘРТИВИСИНИ КӨТИРИШ КЕРӘК

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

23 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы