• 1-сентябрь — Билим күни
  • 30 Тамыз, 2013

УСТАЗ МӘРТИВИСИНИ КӨТИРИШ КЕРӘК

Астанада билим бериш саһаси хадимлириниң җумһурийәтлик педагогикилиқ кеңәшмиси өткүзүлүп, униңда билим вә тәрбийә саһасиниң 2013-2014-оқуш жилиға бәлгүләнгән стратегиялик вәзипилири муһакимә қилинди.Педагогларниң йеңи оқуш жилидики әнъәнивий учришиши билим вә пән министри Бақытжан Жумағуловниң рәислигидә өтти. У өз докладида 2011 — 2020-жилларға бәлгүләнгән Билим беришни тәрәққий әткүзүш дөләт программисини әмәлгә ашурушниң бәзи бир йәкүнлирини чиқарди, маарип саһаси паалийитиниң асасий йөнилишлиригә тохталди.

Кеңәшмидә атап көрситилишичә, мәктәп йешиғичә билим беришни тәрәққий әткүзүш мәсилисидә көплигән ишлар әмәлгә ашурулди. Билим мәһкимилири вә йәрлик иҗраий органларниң қоюқ паалийәт елип бериши түпәйли «Балапан» программисиниң вәзипилири утуқлуқ орунлиниватиду, балиларниң 71,5 пайизи мәктәп йешиғичә билим беришкә вә тәрбийиләшкә җәлип қилинди. Дөләт-хусусий шерикликниң тәрәққий етиши түпәйли шәхсий балилар бағчилириниң сани үч һәссә өсти. Бирақ сан көрсәткүчлирини көпәйтиштин мәктәп йешиғичә болған тәрбийиниң сүпитини ашурушқа көчүш керәк. Министрниң тәкитлишичә, балиларни балдур оқутушқа көчүш, заманивий мультимедия технологиялирини өзләштүрүш лазим. Бақытжан Жумағулов 12 жиллиқ оқутушқа көчүшкә тәйярлиқ көрүшни әң муһим вәзипә дәп атиди. Әйнә шуниңға бағлиқ саһаниң маддий-техникилиқ базисини тәрәққий әткүзүш алаһидә әһмийәткә егә болуватиду. Министрниң тәкитлишичә, оқутуш үч сменида жүргүзүлидиған вә наһайити конирап кәткән мәктәпләрдин қутулуш иши гиҗиң кетип бариду, 73,5 миң оқуғучи орни йетишмәйду, мәмликәт мәктәплири мультимедия вә пән кабинетлири билән бирдәк тәминләнмәйватиду. Бала сани аз мәктәпләр алаһидә диққәтни тәләп қилмақта. Улар мәмликәттики оттура оқуш орунлириниң умумий саниниң 56 пайизини тәшкил қилип, бу мәктәпләрдә барлиқ қазақстанлиқ оқуғучиларниң 15 пайизи билим еливатиду. Уларни тәрәққий әткүзүш үчүн министр хәлиқара тәҗрибидин пайдилинишни тәклип қилди. Униң сөзичә, муәллимләрни маддий рәғбәтләндүрүш вә көп пәнләрдин дәрис беридиған педагогларни тәйярлаш, оқуғучиларни мәктәпләргә йәткүзүш, әхбарат-коммуникациялик технологияләрни кәң пайдилиниш керәк. Педагог кәспиниң мәртивисини ашуруш илгәркидәкла актуал мәсилә пети қалмақта. Буниң үчүн, биринчи новәттә, муәллимләрниң квалификациясини ашуруш системисини ислаһат қилиш башланди, у иш һәққиниң өсүшини кәспийлик дәриҗисиниң өсүши билән бағлаштуриду. Униңдин ташқири муәллимләр әмгигигә һәқ төләш вә рәғбәтләндүрүш мәсилиси мәктәпләрдә җан бешиға қарап мәбләғ билән тәминләш механизмини һәл қилишқа ярдәм қилиду, уни җарий қилиш бойичә синақ лайиһиси бирқатар регионларда мошу оқуш жилида башлиниду. Алий билим беришкә кәлсәк, кейинки жилларда бирқатар утуқларни қолға кәлтүрүш мүмкин болди. Бирақ, һәрһалда, җиддий вәзипиләрму моҗут. Билим беришниң сүпитини вә униң риқабәткә қабиллиғини ашуруш, сүпәтсиз билим беридиған алий оқуш орунлиридин қутулуш, оқуғучилар контингентини мукәммәлләштүрүш керәк. Кеңәшмидә тәкитләнгинидәк, министрлик күндүзи вә сирттин билим еливатқанлар нисбити мәсилисидә җиддий мәвқәдә болиду. Бақытжан Жумағулов өз сөзиниң ахирида Билим вә пән министрлигиниң йеңи оқуш жилиға чоң үмүт артиватқанлиғини, униң келәчәкниң пухта асасини яритиши керәклигини тәкитлиди. Җумһурийәт муәллимлириниң август кеңәшмисиниң умумий мәҗлисидә вә униңдин кейин болуп өткән секцияләрдә муәллимләр саһа алдида туруватқан муһим мәсилиләрни — 12 жиллиқ билим беришкә көчүш мәсилилирини, тәрбийәвий ишниң йеңи йөнилишлирини муһакимә қилди.

456 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы