• Йеңилиқлар
  • 16 Қаңтар, 2012

Уйғур тили кабинети мәрипәтчиниң исми билән аталди

Һәр қандақ адәмниң қәдир-қиммити униң ели, хәлқи, җәмийәт үчүн қилған ишиниң маһийәт-мәзмуни билән өлчиниду. Шу нуқтәий нәзәрдин қарисақ, пешқәдәм устаз, Қазақстанниң хизмәт көрсәткән муәллими, маарип әлачиси, һели мәрһум Исақ Имиров өзиниң пүткүл аңлиқ һаяти давамида миллий маарипимизниң тәрәққий етишигә мунасип үлүшини қошти. Униң тәрбийисини елип, мустәқил һаятқа учум болған йүзлигән шагиртлири арисида һәр хил саһалар бойичә салаһийәтлик мутәхәссисләр йетилип чиқти. Тәләпчанлиқ һәм җавапкәрлик билән паалийәт елип барған устаз әмгәк йолиниң дәсләпки жиллиридин тартипла хизмәтдашлириниң диққәт-етивариға еришти. Исми һөрмәт-еһтирам билән тилға елинди. Иш-тәҗрибиси бир нәччә қетим наһийә, вилайәт даирисидә тәрғип қилинип, таритилди. Уйғур тили дәрислигиниң муәллипи сүпитидә кәң аммиға тонулди. Демәк, тиришчанлиғи, дадиллиғи түпәйли өз хәлқиниң шөһритини ашурған мундақ шәхсләрниң намлири әвлатлар үчүнму әң есил ялдама сүпитидә қалдурулуши тегиш. Әйнә шу мәрипәтчиниң намини әбәдийләштүрүш уни йеқиндин билидиған замандашлири билән кәсипдашлириниң диққәт-нәзәридин сирт қалмиди. Йеқинда Исақ Имиров дәсләп муәллим, кейинирәк илмий мудир болуп ишлигән Кичик Дехан йезисидики һазирқи М.Тейипов намидики оттура мәктәпниң уйғур тили кабинети униң нами билән аталди. Көрнәклик мәрипәтчи намидики кабинетниң рәсмий ечилиш мәрасимиға устазлар билән оқуғучилардин ташқири Исақ Имировниң пәрзәнтлири, қериндашлири һәм жутдашлири иштрак қилди. Тәнтәнини мәктәпниң тәрбийә ишлири бойичә уюштурғучиси Аманжол Атагелдиев киришмә сөз билән ачқандин кейин, сөз новитини алған уйғур тили вә әдәбияти пәнлириниң муәллими Гүлчеһра Розиева мәрһумниң педагогикилиқ паалийитигә қисқичә тохталди. Шуниңдин кейин Исақ Имиров һәққидә өзлириниң иллиқ хатирилири билән ортақлашқан Кичик Дехан йеза округиниң һакими Мақсат Мустапаев, мәктәп мудири Әнвәр Сәйдуллаев, қериндиши Һашим Һезияров, пешқәдәм устаз Мэлс Ахметжанов, йеза имами Молдағожа Қутумов вә башқилар униң инсаний пәзиләтлири билән биллә, маарип саһасиға қошқан чоң һәссисини, атап өтти. Ахирида мәрһумниң оғли Шөһрәт вә қериндиши Чарахан Имирова сөзгә чиқип, ушбу изгү башланминиң тәшәббускари болған пешқәдәм устаз Селимахун Розиевқа вә мәктәп мәмурийитигә чин қәлбидин миннәтдарлиғини изһар қилди. Дилфуза РОЗИЕВА. Уйғур наһийәси.

574 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы