• Хәйрихаһлиқ
  • 06 Сәуір, 2012

«Шагиртлиримниң сахавәтлик болушини халаймән»

Яш талантларниң бешини қошуп, уларға нахша-саз үгитиштә еринмәй паалийәт елип бериватқан «Азия плюс Rekordz» студиясиниң мудири Сәһәрдин Йүсүпов өткән жили әйнә шу яш талантларниң қатнишиши билән балилар өйлиридә ондин ошуқ хәйрихаһлиқ концерт өткүзгән еди. Бу жили мәзкүр студиядә тәрбийилиниватқан балилар өзлириниң хәйрихаһлиқ концертини Алмута шәһиридики җумһурийәтлик «Ақсай» балилар ағриқханисидин башлиди. Бу ағриқханида асасий җәһәттин ата-анисиниң меһригә тоймиған житимлар билән нака балилар давалиниду. Буни әскә алған студия мудири Сәһәрдин Йүсүпов, Иминҗан Мөйдүн, Майдин Давутов, Мизангүл Аванисимова қатарлиқ ата-анилар билән бирликтә ағриқханида давалиниватқан балиларға өзлириниң азду-тола соғилирини тапшурди. Андин яш талантлар нахша-уссуллири арқилиқ уларниң көңлини алди. Концерттин кейин ағриқханиниң бөлүм башлиғи, медицина пәнлириниң намзити Һесамдун Хәрәмов яш сәнъәтчиләргә өзиниң миннәтдарлиғини изһар қилип, сөз новитини Сәһәрдин Йүсүповқа бәрди. — Мениң атам Қәмбәр балилар өйидә чоң болған екән, — деди у өз сөзидә. — Шуңлашқа у маңа һәр дайим «Балам, житимға көз қириңни селип жүргин», дәп несиһәт қилиду. Мән униң сөзини һеч қачан ядимдин чиқармаймән. Балилар өйлиригә пат-пат келишимниң йәнә бир сәвәви, мениңда тәрбийилиниватқан балилар «Һаят» намлиқ йолниң ойман-чоңқурини билсун, дегән нийитимму йоқ әмәс. Шундақла уларниң сахавәтлик болушини халаймән. Хәйрихаһлиқ концерттин кейин ағриқханида давалиниватқан балилар мәзкүр акцияни уюштурғучилар вә өз һүнәрлирини намайиш қилған «яш юлтузлар» билән хатирә сүрәтләргә чүшти.

Бәхтишат СОПИЕВ.

СҮРӘТТӘ: Һесамдун Хәрәмов (солда) вә Сәһәрдин Йүсүпов ағриқханида давалиниватқан балилар билән.  

808 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы