• Хәйрихаһлиқ
  • 16 Қаңтар, 2012

Көңли йерим гөдәкләрниң көңлини алди

«Азия плюс Recordz» студиясини (мудири Сәһәрдин Йүсүпов) биз һәқлиқ түрдә яш талантларни тәйярлайдиған «Юлтузлар фабрикиси» дәп аталаймиз. Чүнки бүгүнки күнгә қәдәр униңдин онлиған иҗрачи гөдәкләр учум болуп, бир нәччиси җумһурийәтлик вә хәлиқ ара конкурсларниң лауреатлири аталди. Студия кейинки вақитларда өзиниң беваситә паалийитидин ташқири хәйрихаһлиқ концертларни уюштурушниму җиддий қолға алди. Йеқинда Алмутидики «Жануя» балилар өйидә биз гәп қиливатқан студия тәрипидин хәһрихаһлиқ концерт уюштурулди. Бу күни ата-ана меһригә тоймиған балилар талантлиқ гөдәкләрниң һүнирини тамашә қилипла қалмай, шундақла «БеНТ» акционерлиқ җәмийити (президенти Дилмурат Кузиев), «Аққу» туристик ширкити (мудири Турсун Анайәтов), «Восточная кухня» кафеси (мудири Әнвәр Илахунов), Давутовлар аилиси һәм «Азия плюс Rekordz» студияси ианә қилған язлиқ һәм қишлиқ кийим-кечәкләрни тапшуруп алди. Концерттин кейин балилар өйиниң мудири, психология пәнлириниң намзити Хафиза Серикова өзи рәһбәрлик қиливатқан дәргаһқа қәдәм тәшрип қилип, балиларға мәйрәмлик соғиларни тапшурған сахавәтлик инсанларға сәмимий миннәтдарлиғини билдүрди. Аридин көп өтмәй нәқ мошундақ чарә тәдбир биз гәп қиливатқан студия билән «Амир» хәйрихаһлиқ җәмийәтлик фондиниң (президенти Кәнҗә Исаев) һәмкарлиғида җәнубий пайтәхттики 2-нака балилар мәктәп-интернатида болуп өтти. Униңдиму нахша-сазлар яңрап, соғилар тапшурулди. Бу күниму жуқурида қәйт қилинған һамийлар көңли йерим гөдәкләрни йәл-йемиш вә қәндәләт мәһсулатлириға ғәриқ қилди. Өз новитидә мәктәп-интернатниң мудири Бахыт Ермекова сәмимий разилиғини билдүрүп, меһманларға миннәтдарлиқ хәтлирини тапшурди.                                                                                    Униңдин көпчилик миннәтдар Кейинки вақитларда өзиниң тапқан-тәргининиң мәлум қисмини меһир-шәпқәтлик ишларға аҗритип, көпчиликниң алқишиға сазавәр болуватқан тиҗарәтчилирмизниң бири Пәйзуллам Мәһәммәттур. Пәйзуллам акиниң өткән жили Әмгәкчиқазақ, Уйғур вә Панфилов наһийәлириниң бир қатар жутлирида болуп, ярдәмгә муһтаҗ 150 гөдәккә қишлиқ кийим-кечәк ианә қилғанлиғидин гезитханлиримиз хәвәрдар. Сахавәтлик инсан өзиниң хәйрихаһлиқ паалийитини һелиму давам қилмақта. Ениғирағи, у йеқинда Яркәнт шәһириниң бир қатар мәктәплиридики тәминати начар аилиләргә тәәллуқ оттузға йеқин оқуғучини қишлиқ кийим-кечәк билән тәминлиди. Шуниңдин көп өтмәй бу хилдики акция Алмута шәһириниң Заря Востока мәһәллисидики М.Һәмраев намидики 150-уйғур оттура мәктивидиму уюштурулди. Биз қәлби сехи, мәрт-мәрданә инсан Пәйзуллам Мәһәммәтниң ишлириға муваппәқийәтләр тиләп, «Бәргән қолуңиз һеч қачан соғулмисун» дегән тиләкни билдүримиз. Ершат ӘСМӘТОВ.   СҮРӘТЛӘРДӘ: 1. Талантлиқ гөдәкләр Рәнагүл Иминҗанова вә Руфат Әмәтов. 2. Пәйзуллам Мәһәммәт (оттурида) яркәнтлик оқуғучилар арисида.

774 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы