• Йеңилиқлар
  • 16 Қаңтар, 2012

Һосул мол елинди, бирақ...

Өткән жилни Панфилов наһийәсиниң деханлири муваппәқийәтлик йәкүнлиди. Данлиқ зираәтләрдин елинған һосул, алдинқи жиллар билән селиштурғанда, хелә жуқури болуп, йетәрлик мөлчәрдә мал озуғи тәйярланди. Дехан егиликлири билән ишләп чиқириш кооперативлирида көмүқонақ өстүрүшкә алаһидә әһмийәт берилип, униң умумий мәйдани 22500 гектарни тәшкил қилди. Һәр бир гектар йәрдин оттура һесап билән 55,2 центнердин һосул елинип, наһийә бойичә 124 миң 273 тонна ашлиқ жиғиштурулди. Бу илгәрки жилға нисбәтән хелила ошуқ көрсәткүч. Бирақ «баһалиқ зираәт» дәп тәриплинип келиватқан «етиз мәликисиниң» баһаси чүшүп кәтти. Әгәр төвәндики рәқәмләрни қияслап көрсәк, буниң һәқиқәтәнму шундақ болғанлиғиға көз йәткүзүш қийин әмәс. Мәсилән, 2010-жили угитилған көмүқонақниң һәр бир килограмми 25 — 45 тәңгидин сетилған еди. Өткән жили болса, 26-27 тәңгидин нериға бармиди. Бу ашлиқ сүпитиниң төвәнлигидин әмәс, бәлки «өйдики гәпниң базарға тоғра кәлмәслигидин» шундақ болди. Нәтиҗидә 80 миң тоннидин ошуқ көмүқонақ амалсиз әйнә шундақ баһа билән сетилди. Наһийәлик йеза егилиги бөлүми мутәхәссислириниң мәлуматлириға қариғанда, фермерларниң ички еһтияҗи, йәни қолда беқиливатқан малға йәм үчүн 30 миң тоннидин ошуқ көмүқонақ һаҗәт екән. Әнди қалған башқа ашлиқ хаманлар билән һойлиларда сақлиниватиду. Қишниң қишида һосулни очуқ асман астида сақлап, күзитишниң немә екәнлигини бешиға кәлгән адәмниң өзила билидиған гәп. Херидарниң йоқлуғидин әмәс, баһаниң қанаәтлинәрлик дәриҗидә болмайватқанлиғи сәвәплик йүз бериватқан бу әһвалниң қачан биртәрәп болидиғанлиғи намәлум. Нурәхмәт ӘХМӘТОВ. Панфилов наһийәси.

722 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы