• Йеңилиқлар
  • 09 Қаңтар, 2012

Талантлиқларға мунасип баһа берилди

Өткән жилниң ахирида җумһурийәтлик Уйғур этномәдәнийәт мәркизи вә Қазақстан Уйғур яшлири бирлигиниң қоллап-қувәтлиши һәм  uіghur.kz сайтиниң уюштуруши билән “Алмута” концерт залида заманивий уйғур сәнъити тәрәққиятиниң бир жиллиқ йәкүни  чиқирилип, ғалипларни мукапатлаш мәрасимиға беғишланған концерт болуп өтти. Дәсләп  “Әң яхши нахшичи” номинацияси бойичә ғалип чиққан сәнъәткарни елан қилиш җумһурийәтлик Уйғур этномәдәнийәт мәркизи рәисиниң орунбасари Асимҗан Злавдиновниң әнчисигә тегип, у тамашибинларға бу атаққа талантлиқ нахшичи Расул Зайитовниң егә болғанлиғини хәвәрлиди. Андин “Әң яхши нахшичи қиз”– Дилбәр Бурһанова, “Әң яхши топ”– “Нур” топи, “Әң яхши заманивий лаһийә” – “ART RAP”, “Жил альбоми”– Адилҗан Җанадиловниң “Гүлнисәм” альбоми, “Жилниң әң яхши видеоклипи” –Зулпиқар Заитовниң  “Голос любви” клипи, “Әң яхши аранжировщик”– Шавкәт Қурбанов, “Әң яхши мәтин язғучи иҗаткар” – Сүлфи Мәшрәпов, “Әң яхши уссулчилар топи” – Мадина Сәйдурукова рәһбәрлигидики “Ирадә” уссулчилар топи вә  “Жил нахшиси” сүпитидә – Ихтияр Рәҗәповниң “Лейло” нахшиси етирап қилинип, уларға уюштурғучилар тәрипидин мәхсус диплом вә хатирә соғилар тапшурулди. Жуқурида исимлири аталған ғалипрларни елан қилиш үчүн сәһнигә көтирилгән «Яшлиқ» ансамблиниң асасини салғучиларниң бири, нахшичи вә композитор  Қәһриман Иминов, рәссам Әхмәт Әһәт, атақлиқ нахшичи, Бәхтияр Тайлақбаев, продюсер Гүлвира Илахунова, коллекционер Азат Һекимбәг вә башқилар ғалипларға өзлириниң сәмимий тиләклирини изһар қилди. Ахирида риясәтчиләр, “Әң яхши ретро топ” номинациясиниң дунияға кәлгәнлигини елан қилип, бу қетим мәзкүр номинация бойичә мукапат аридики узақ үзүлүштин кейин өз мухлислири билән қайта дидарлашқан «Юлтуз» топиға  берилгәнлигини хәвәрлиди. Ахирида мәзкүр көрүкниң уюштурғучиси һәм һамийи Әхмәтҗан Әһәт вә uіghur.kz сайтиниң йетәкчиси Әлишер Асимов ғалипларни тәбрикләп, тамашибинларға өзлириниң сәмимий миннәтдарлиғини изһар қилди.

Молутҗан ТОХТАХУНОВ.

 

638 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы