• Әхбаратлар еқими
• 29 Қаңтар, 2015

Тәбрик телеграммисини әвәтти

Нурсултан Назарбаев Салман бен Абдел Әзиз Әл Саудқа Сәүдийә Әрәпстани Королиниң тәхткә олтириши мунасивити билән тәбрик телеграммисини әвәтти.Президент Қазақстан хәлқиниң вә шәхсән өзиниң намидин монархқа сәмимий тәбрик вә изгү тиләкләрни йоллиди. «Сизниң рәһбәрлигиңиздә Сәүдийә Әрәпстани Корольлуғиниң ислам җамаитигә хизмәт қилишқа асасланған сәясәтни утуқлуқ давамлаштуридиғанлиғиға ишинимән. Корольлуқниң өз тәрәққиятида йеңи чоққиларға йетишини, униң хәлиқара мәйдандики ролиниң ешишини тиләймән», дейилиду телеграммида. Дөләт рәһбири Қазақтан вә Сәүдийә Әрәпстани оттурисидики достанә һәм шериклик мунасивәтләрниң икки мәмликәт хәлқиниң пайдисиға җошқун чоңқурлишидиғанлиғиға ишәнчә билдүрди. Ахирида Нурсултан Назарбаев Салман бен Абдел Әзиз Әл Саудқа  саламәтлик вә бәхит-саадәт, паалийитигә утуқ-муваппәқийәт, достанә Сәүдийә Әрәпстани хәлқигә течлиқ һәм җипсилиқ тилиди», дәп хәвәрләйду Президентниң мәтбуат хизмити.