• Әхбаратлар еқими
• 05 Ақпан, 2015

Йеңи давалаш орни ечилди

Хуш хәвәр/ Чоң Чиған йезисида икки қәвәтлик давалаш амбулаторияси қәд көтирип, мошу йеқинда пайдилинишқа берилди. Бу чоңчиғанлиқлар үчүнла әмәс, мәзкүр йеза нами билән атилидиған округ тәркивидики аһалилиқ җайларниң турғунлири үчүнму чоң хошаллиқ болди. Илгәрки амбулатория кона һәм жил санап көпийиватқан аһали саниға нисбәтән тарчилиқ қилатти. Йеңи бенаниң ишқа қошулуши билән күнигә йүз адәмни қобул қилиш имканийити яритилди. Бүгүнки күнниң тәливигә мувапиқ медицинилиқ әсвап-үскиниләр билән җабдуқланғанлиғи болса, хизмәт сүпитиниң кәскин яхшилинишини тәминләйду. Амбулаторияниң ечилиш мәрасимиға қатнашқан наһийә һакими Бердәулет Абдулдаев чоңчиғанлиқларни бу хошаллиғи билән сәмимий тәбриклигәч, бу йәрдә ишләватқан саламәтлик сақчилириниң иш-паалийитигә муваппәқийәтләр тилиди. Тәнтәнидә шундақла наһийәлик мәслиһәтниң депутати Муратқан Оңласинов, Панфилов наһийәлик мәркизий ағриқханисиниң баш врачи, Алмута вилайәтлик мәслиһәтниң депутати Телеу Сәрпеков вә башқилар өзлириниң сәмимий тиләклирини билдүрди. Ахирида Бердәулет Ешен оғли Социалистик Әмгәк Қәһриманлири Адаләт Зәйнавдинова билән Күләш Айтжанова тәрипидин лента қийилип, йеңи давалаш орниниң ишиги ечилди. Нурәхмәт ӘХМӘТОВ. Панфилов наһийәси.