• Әхбаратлар еқими
• 13 Ақпан, 2015

Миллий сәясәт мәсилилири бойичә тәтқиқатлар

Ақордида Қазақстан Җумһу-рийитиниң дөләт кативи Гүлшара Әбдиқалықованиң рәислигидә кеңәшмә өткүзүлүп, униңда Мәдәнийәт вә спорт министрлиги Қазақстан хәлқи Ассамблеясиниң Илмий-экспертлик кеңиши билән бирликтә жүргүзгән милләтләрара мунасивәтләр мәсилилири бойичә социологиялик тәтқиқатларниң нәтиҗилири қаралди.  Кеңәшмә ишиға Президент Мәмурийитиниң рәһбәрлиги, шун-дақла мәнпийәтдар министрликләр билән идариләрниң вәкиллири, ҚХА Илмий-экспертлиқ кеңишиниң әзалири қатнашти. Баш қошушта ҚХА Илмий-экспертлиқ кеңиши рәисиниң орунбасари, Қазақстан Җумһурийити Президенти йенидики Дөләт башқуруш академияси Мәркизий Азия регионидики милләтләрара вә конфессияләрара мунасивәтләрни үгиниш мәркизиниң рәһбири Айгүл Садвақасова жиғилғанларни тәтқиқат йәкүнлири билән тонуштурди. Гүлшара Әбдиқалықова социо-логиялик тәтқиқатларни жүргүзүшниң объектив зөрүрийәт екәнлигини, уларниң нәтиҗилириниң дөләт миллий сәяситини әмәлгә ашурушниң асасий йөнилишлирини, йоллири билән усуллирини бәлгүләшкә ярдәм қилидиғанлиғини тәкитлиди. Кеңәшмә йәкүни бойичә дөләт кативи тегишлик дөләт органлириға бирқатар ениқ тапшурмиларни бәрди.