- Әхбаратлар еқими
- 13 Ақпан, 2015
ТЕЛЕФОН АРҚИЛИҚ СӨЗЛӘШТИ
9-февраль күни Нурсултан Назарбаев Россия Федерациясиниң Президенти Владимир Путин билән телефон арқилиқ сөзләшти.Президентлар иккитәрәплимә һәмкарлиқниң, шундақла Евразия ихтисадий иттипақи даирисидики өзара һәрикәтниң еқимдики мәсилилирини муһакимә қилди.
Владимир Путин 6-февральда Германия вә Франция рәһбәрлири билән Москвада өткүзгән музакирилириниң вә 8-февральда болуп өткән «норманд шәклидики» телефон арқилиқ музакирилириниң йәкүнлиридин хәвәрдар қилди.
Нурсултан Назарбаев 11-февральда Минскида өтүши бәлгүләнгән төрттәрәплимә музакириләрниң Украинидики тоқунушни биртәрәп қилиш йоллирини издәп тепишта мурассәни қолға кәлтүрүш имканийитини беридиғанлиғиға ишәнчә билдүрди.
Униңдин ташқири икки мәмликәт рәһбири Россия ихтисадидики вақитлиқ қийинчилиқларға бағлиқ өзара содиниң еқимдики мәсилилирини муһакимә қилди. Икки мәмликәт һөкүмәтлиригә өзара қолайлиқ қарарларни тәйярлаш тапшурулди.
***
10-февральда Дөләт рәһбири Беларусь Җумһурийитиниң Президенти Александр Лукашенко билән телефон арқилиқ сөзләшти.
Қазақстан вә Беларусь Президентлири иккитәрәплимә һәмкарлиқ мәсилилирини, шундақла Евразия ихтисадий иттипақи даирисидики өзара һәрикәт истиқбалини муһакимә қилип, ЕАИИға әза дөләтләр ихтисатлиридики моҗут проблемиларға диққәт ағдурди.
Униңдин ташқири Президентлар Украинидики вәзийәт бойичә пикир елишти.
Нурсултан Назарбаев 11-февральда Минскта өткүзүш көздә тутулған «норманд шәклидики» музакириләрниң Украина боһринини биртәрәп қилиш йоллирини издәштә мурассәни қолға кәлтүрүш имканийитини беридиғанлиғиға ишәнчә билдүрди.
695 рет
көрсетілді0
пікір