• Хәйрихаһлиқ
  • 16 Наурыз, 2015

Қериндаш болсаң, йөләк бол

Өткәндә жутдишимиз Әзиз Нурәхмәт оғлиниң саламәтлиги еғирлишип, давалиниш үчүн мәбләғ лазим болғинида, сехи қоллуқ әзимәтләргә мураҗиәт қилған еди. Бу хәйриеһсанлиқ ишта көплигән қериндашлиримиз чәттә қалмай ярдәм қолини созди. Буниңдин бизниң тәвәдин учум болған тонулған нахшичи Артур Илахуновму истисна болмиди.Чонҗа йезисиниң һакими Арлин Һосманов вә наһийәниң чоң жигитбешиниң орунбасари Абдукерим Сәйдуллаев башлиған бир топ чонҗилиқ жигитбашлириниң қоллап-қувәтлиши билән йеқинда Артур оғлимиз башлиған бир топ сәнъәткарлар «Әзиз, сән биз билән биллә» намлиқ хәйрихаһлиқ концерт көрситип, униңдин чүшкән мәбләғни Әзизниң ата-анисиға тапшурди. Концерттин кейин сәһнигә көтирилгән йеза һакими Арлен Сенал оғли наһийә һакиминиң вә шәхсән өзиниң намидин сәнъәтчиләргә миннәтдарлиқ билдүрүп, Артур Илахуновқа гүлдәстә соға тутти. Абдукерим Сәйдуллаев болса, мошу концертниң мәхсәт-муддиасидин учур берип, қәлби сехи жигитләргә миннәтдарлиғини изһар қилди вә уларға иҗадий утуқ тилиди. Ахирида ейтарим, хәлқимизниң бирлиги билән өмлүгигә апирин. «Бир яқидин баш, бир йәңдин қол чиқарсақ» — елинмайдиған қамал, һәл болмайдиған иш йоқ. Буниңға ушбу хәйрихаһлиқ концертта йәнә бир қетим көз йәткүздуқ. Илаһим, сехи қоллар соғулмисун.

Аблимит МӘРДАНОВ.

  Уйғур наһийәси.

732 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы