• Әхбаратлар еқими
• 14 Мамыр, 2015

Қош мәйрәмгә беғишланди

Йеқинда Кичик Дехан йезисида жут турғунлири Скалин Җамалов, Антей Һәмраев, Алимҗан Абләсәнов, Рәшит Қаватов, Тахир Нәсирдинов, Селимәм Сонурова, Әркин Мәсимов, Рустәм Сидиқовларниң уютуруши вә һамийлиғида Қазақстан хәлқи Ассамблеясиниң 20 вә Ғалибийәтниң 70 жиллиғиға беғишланған волейбол бойичә турнир болуп өтти. Униңға наһийә йезилиридин кәлгән йәттә команда қатнишип, өзара күч синашти.Спорт оюнлириға беғишланған мәрасимни Кичик Дехан йеза округиниң һакими Ербол Абшаяқов ечип, командиларға утуқ тилиди. Бир күн давам қилған турнирда биринчи орунни Чарин йезисиниң талланма командиси егилиди. Иккинчи вә үчинчи орунларни Кичик Дехан вә Ширин йезилириниң спортчилири өзара бөлүшти. Ғалип чиққан командиларға хатирә соғилар тапшурулди. Мәрасим ахирида йеза сәнъәтчилири концерт көрсәтти. Мунира МЕЙДИНОВА, йеза клубиниң башлиғи. Уйғур наһийәси.