- Әхбаратлар еқими
- 14 Мамыр, 2015
Юбилейлиқ медаль билән тәғдирләнди!
Елимизниң иҗтимаий-ихтисадий тәрәққиятиға, милләтләрара разимәнликни мустәһкәмләшкә өзлириниң салмақлиқ һәссисини қошуватқан биртоп миллитимиз вәкиллири ҚХАниң 20 жиллиғи мунасивити билән тәсис қилинған. «Қазақстан халқы Ассамблеясына 20 жыл» медали билән тәғдирләнди. Уларға медальни ҚХА Рәисиниң орунбасари Любовь Ни тапшурди. У бу медаль билән тәғдирләнгән Уйғуршунаслиқ мәркизиниң хадими Рәхмәтҗан Йүсүпов, җумһурийәтлик Уйғур этномәдәнийәт мәркизи рәисиниң орунбасари Нурмәһәмәт Палтахунов, Талғир наһийәлик Уйғур этномәдәнийәт мәркизиниң рәиси Иминҗан Тохтахунов, Қарасай наһийәлик Уйғур этномәдәнийәт мәркизиниң рәиси Бәхтияр Исмайилов, Әвезов наһийәлик Уйғур этномәдәнийәт мәркизиниң рәиси Реһимҗан Семәтов, Ханим-қизлар кеңишиниң рәиси Сәнәм Беширова вә Нураний анилар кеңишиниң рәиси Гүлҗаһан Муратованиң җәмийәтлик ишлардики паалийәтчанлиғини алаһидә тилға елип, ишиға утуқ, аилисигә хатирҗәмлик тилиди.
Шундақла мәзкүр медальни «Нур Отан» партиясиниң Алмута шәһәрлик сәясий бюросиниң әзаси Асимҗан Злавдинов, Павлодар вилайәтлик Уйғур этномәдәнийәт мәркизиниң рәиси Арсен Турдиев елишқа муйәссәр болди.
Биз гезитимизниң йеқин достлирини бу мукапити билән қизғин тәбрикләймиз.
Бәхтишат СОПИЕВ.
694 рет
көрсетілді0
пікір