- Әхбаратлар еқими
- 21 Мамыр, 2015
Авғанстан Президенти тәзийә билдүрди
Авғанстан Президенти Мохаммад Ашраф Ғани Қазақстан граждини Ә.Абдулаеваниң террористлар қолидин вапат болуши мунасивити билән Президент Нурсултан Назарбаевқа тәзийә билдүрди, дәп хәвәрлиди Қазақстан Җумһурийити Ташқи ишлар министрлигиниң мәтбуат хизмити.Авғанстан Ислам Җумһурийитиниң Президенти Мохаммад Ашраф Ғани Қазақстанниң Авғанстандики әлчиси Өмиртай Битимов билән телефон арқилиқ сөзләшкинидә, 2015-жилниң 13-май күни Қабул шәһиридики меһманханиға болған қураллиқ һуҗум нәтиҗисидә Қазақстан Җумһурийитиниң граждини Әйгерим Абдулаеваниң вапат болуши мунасивити билән Президент Нурсултан Назарбаевқа, Қазақстан хәлқигә вә мәрһумниң аилиси билән йеқинлириға тәзийә билдүрди.
Авғанстан рәһбири Қазақстан граждининиң вапат болғанлиғи тоғрилиқ қайғулуқ хәвәрни чоңқур қайғуруп қобул қилғанлиғини, шундақла мәмликәттә терроризмни йоқ қилиш бойичә Ислам Җумһурийитиниң рәһбәрлиги барлиқ чариләрни қоллиниватқанлиғини ейтти.
Авған тәрәп «Авғанстанниң әң йеқин дости» болуп һесаплинидиған Қазақстан билән һәртәрәплимә мунасивәтни тәрәққий әткүзүшкә мәнпийәтдар екәнлигини алаһидә атап көрсәтти.
632 рет
көрсетілді0
пікір