• Йеңилиқлар
  • 23 Қаңтар, 2012

Роһий озуқ — һәр бир аилигә

Һәр жили қәрәллик нәширләргә муштири топлаш жилниң ахирқи чаригигә тоғра келиду. Наһийәлик мәмурийәтниң қоллап-қувәтлиши билән мәктәпләр вә мәхсус оқуш орунлириниң мудирлири, мәһкимә-ширкәтләр рәһбәрлири, йезилиқ округлар һакимлири бу пәйттә аһали арисида тәрғибат ишлирини жүргүзүп, мәвсүмниң утуқлуқ аяқлишишини тәминләйду. Шундақла, йеза-мәһәллиләрдики жут атилири билән җәмийәтлик ишларниң активистлириму бу ишниң бешида болуп, аһалини гезит-журналларға толуқ муштири болушқа дәвәт қилиду. Шу түпәйли бийилму наһийәдә «Казпочта» акционерлиқ җәмийити наһийәлик бөлүминиң башлиғи Бәхитҗан Бәхтахуновниң йетәкчилигидә муштири топлаш мәвсүми утуқлуқ аяқлашти. Җумһурийәтлик «Уйғур авази» гезитиға 3682 адәм муштири болди. Ейтмақчи, бу рәқәмниң йәниму өсүши мүмкин. Һәр хил сәвәпләр билән гезитқа йезилип үлгирәлмигән шәхсләр болса, наһийәмиздә моҗут 15 почта бөлүмчисидә жил давамида гезит-журналларға муштири болуш мүмкинчилигигә егә. Мошу йәрдә почта хадимлириниң «планимиз тошуп кәтти» дегәнгә охшаш банә-сәвәплириниң тамамән асассиз екәнлигини алаһидә тәкитлигүм келиду. Пурсәттин пайдилинип, «Казпочта» АҖ наһийәлик бөлүми вә униң йезилардики бөлүмчилиридә көп жиллиқ әмгиги билән һөрмәткә еришкән хадимлиримиз намиға иллиқ ләвзимни йәткүзмәкчимән. Атап ейтсақ, Замирә Ошамова, Айгүл Велахунова, Хасийәт Розиева, Светлана Әйнидинова, Асийәм Арипова вә Пәридәм Абдримова қатарлиқ почта бөлүмлири йетәкчилири әйнә шундақ хадимлар сепидин. Бөлүмгә кәлгән гезит-журналлар вә башқиму хәт-чәкләрни хиллаш ишлириниң маһирлири Розигүл Нурсеитова, Әйнүрәм Мухтәрова вә Гүлашар Адаспаеваларниң әмгигиму тилға аларлиқ. Наһийә мәркизидә қәрәллик нәширләрниң өз оқурмәнлири қолиға мүмкин қәдәр кечикмәй йетишини тәминләп келиватқан почта тошиғучилар Разийәм Зәйналова, Ултуар Оралова, Бақытгүл Темирбекова, Маржангүл Қойшибекова вә Алийәм Әйсаровалар иссиқ-соққа қаримай ишләп келиватиду. Әлвәттә, ишимизға баһани аһали бериду. Намимизға ейтилған алқиш-миннәтдарлиқлардин роһлансақ, син-тәнқитләрдин хуласә чиқирип, хаталиқларни қайтилимаслиқ бизниң адитимиз. Шуниң үчүн болса керәк, хадимлиримиз һәр бир аилигә роһий озуқ йәткүзүш вәзиписиниң һөддисидин шәрәп билән чиқип келиватиду. Гүлдария ҚУДИЯРБЕКОВА, «Казпочта» акционерлиқ җәмийити Уйғур наһийәлик бөлүминиң инструктори.

848 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы