• Йеңилиқлар
• 23 Қаңтар, 2012

Яшлар форуми

16-январь күни Панфилов наһийәлик Мәдәнийәт өйи алдидики мәйданда өткән наһийә яшлириниң форуми Қазақстан Җумһурийити Парламенти Мәҗлиси билән вилайәтлик вә наһийәлик мәслиһәтләр депутатлириниң сайлимида сайлиғучиларниң һәммидин көп авазиға егә болуп, партияләр арисидин озуп чиққан «Нур Отан» Хәлиқ-демократик партиясиниң чоң ғалибийитигә беғишланди. Дөләт Гимни орунланғандин кейин, «Нур Отан» ХДП наһийәлик шөбиси рәисиниң биринчи орунбасари, партияниң сайлам алдидики штабиниң башлиғи Ермек Нурахметов сөзгә чиқип, сайлам йәкүнлири бойичә қисқичә әхбарат бәрди. Җүмлидин наһийә сайлиғучилириниң 85,7 пайизи «Нур Отан» ХДПни қоллап-қувәтлигәнлигини, бу мәзкүр сәясий тәшкилатниң хәлиқ билән һәмнәпәс паалийәт жүргүзүп, үмүт-ишәнчисини ақлап келиватқанлиғиниң испати екәнлигини алаһидә тәкитлиди. Шундақла наһийә һакими, партияниң наһийәлик шөбисиниң рәиси Ермек Келемсеит, наһийәлик ветеранлар кеңишиниң рәиси Сағымбек Үшпаев, партияниң сайлам алдидики штабиниң әзаси Қурванбүви Һашимова вә башқилар сөзгә чиқип, форум қатнашқучилирини тәбрикләш билән бир қатарда, қазақстанлиқларниң үмүтини ақлап келиватқан «Нур Отан» ХДПниң алдида муһим вәзипиләрниң турғанлиғини, уларни муваппәқийәтлик орунлап чиқиш үчүн бирлишип һәрикәт қилиш лазимлиғини атап көрсәтти. Нурәхмәт ӘХМӘТОВ. Панфилов наһийәси.