• Әхбаратлар еқими
• 10 Желтоқсан, 2015

Боһранға қарши программа

Дүшәнбә күни Һөкүмәт мәҗлисидә Умуммиллий чарә-тәдбирләр плани вә Һөкүмәтниң һәм Миллий банкниң 2016 — 2018-жилларға бәлгүләнгән дөләтниң ихтисадий вә иҗтимаий турақлиғини тәминләш бойичә Боһранға қарши планиниң лайиһилири муһакимә қилинди.Мәҗлистә тәкитлинишичә, Умуммиллий чарә-тәдбирләр плани он жилға бәлгүләнгән мәхсәтчанлиқ өлчәмләрни, шундақла Дөләт рәһбири «Қазақстан йеңи аләмшумул әмәлий шараитта: өсүш, ислаһатлар, тәрәққият» Мәктүбидә елан қилған бәш асасий йенилиш бойичә 39 чарә-тәдбирни өз ичигә алиду. Әнди боһранға қарши план болса, «100 ениқ қәдәм» Милләт плани вә Президент Һөкүмәтниң 2015-жил 18-ноябрьда болуп өткән кәңәйтилгән мәҗлисидә бәргән тапшурмилири даирисидә ислаһатларни чоңқурлитиш чарилиридин, шундақла ихтисатни долларсизлаштуруш бойичә иш-һәрикәтләрни қошуп һесаплиғанда, 2015 — 2016-жилларға бәлгүләнгән оператив чариләр планлиридин ибарәт.