• Әхбаратлар еқими
• 24 Желтоқсан, 2015

Шериклик изчил тәрәққий етиватиду

Нурсултан Назарбаев Москвада Россия Федерациясиниң Президенти Владимир Путин билән учрашти. КБШТ Коллективлиқ бехәтәрлик кеңишиниң вә АЕИКниң мәҗлислири һарписида өткүзүлгән учришиш давамида Қазақстан Президенти Евразия ихтисадий иттипақи ишини башлиғанлиғиниң биринчи жилиниң аяқлишиватқанлиғини вә бу вақитниң йеник болмиғанлиғини әслитип өтти.Биз боһранниң келидиғанлиғини күттуқ, уни йеңиш үчүн зөрүр чариләрни көрдуқ вә әнди илгирилишимиз керәк. Әлвәттә, мәмликәтлиримизниң умумий ички мәһсулатиниң көрсәткүчлири қисқарди, товар муамилиси төвәнлиди. Амма очуқ чегарилар вә қоюқ алақилар өзиниң иҗабий ролини ойнаватиду, — дәп тәкитлиди Нурсултан Назарбаев. Өз новитидә Владимир Путин дуниявий ихтисаттики мурәккәп әһвалға қаримай, икки мәмликәт оттурисидики стратегиялик шерикликниң изчил тәрәққий етиватқанлиғини атап көрсәтти. Биз өзимизниң бажхана вә техникилиқ рәтләш үлгилиримизни йеқинлаштуруш ишини давамлаштуруватимиз. Мошуниң һәммиси иҗабий нәтиҗә бериду. Ишәнчим камилки, әгәр биздә һазирқи келишимләр болмиғанда, ихтисатқа берилгән зәрбә техиму күчлүгирәк болар еди, — деди Россия Президенти.