• Әхбаратлар еқими
  • 08 Қаңтар, 2016

Президент соғиси

Дөләт рәһбири Қазпочтиниң «Қиш бовайға хәт яз» акциясини қоллап-қувәтлиди.Йеңи жил һарписида Қазақстанда алаһидә акция башланди. Қазпочтиниң җумһурийәтниң барлиқ вилайәтлириниң мәркәзлиридики мәркизий бөлүмлиридә, шундақла Астана, Алмута вә Ақтөбә шәһәрлиридики «Мега» сода һәм оюн-тамашә мәркәзлириниң тармақлирида Қиш бовайға йезилған хәтләр үчүн мәхсус почта ящиклири пәйда болди. Лайиһә даирисидә һәрқандақ халиғучи балиниң хетини таллавелип, униң арминини әмәлгә ашуруш имканийитигә егә болди.

Мәзкүр лайиһини Дөләт рәһбириму қоллап-қувәтлиди. Президентниң мәтбуат кативи Дәурен Абаевниң хәвәр қилишичә, Нурсултан Әбиш оғлини Ғәрбий Қазақстан вилайитидин сүрәт сизиш үчүн Doh Vіncі соға қилишни сорап хәт язған Виктория Харлашинаниң хети наһайити хошал қилди. Президентниң өзиму сүрәт сизишни яхши көриду. Шуңлашқиму қизчақниң хаһишини орунлап, униңға қошумчә яш рәссамлар үчүн энциклопедия әвәтти. Нурсултан Назарбаев Шималий Қазақстан вилайитидики аиләвий типтики интернатта тәрбийилиниватқанларға музыкилиқ мәркәз, шундақла Қазақстан язғучилириниң китаплирини соға қилди. — Мәзкүр акция қазақстанлиқларниң һәтта мурәккәп вақиттиму бир-биригә меһриван вә муһтаҗ болуватқанларға ярдәм қилишқа тәйяр екәнлигини көрсәтти, — дәп ойлаймән. Пүткүл мәмликәт бойичә йүзлигән граждан һал-оқити төвән аилиләр балилириниң, нака вә житим балиларниң илтимаслирини қанаәтләндүрди, — дәп тәкитлиди Дәурен Абаев. Униң сөзичә, Дөләт рәһбири балиларға соға әвәтиш арқилиқ һәммидин авал өзиниң шундақ адәмләргә һисдаш екәнлигини билдүрди, Йеңи жил мәйримидә яш қазақстанлиқларниң арзу-арманлириға бепәрва болмаслиқниң үлгисини көрсәтти. Соғиларниң нурғун қисми Йеңи жил һарписида тапшурулди, қалғанлири 13-январьғичә өз егилирини тапиду.

685 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы