- Әхбаратлар еқими
- 31 Наурыз, 2016
Жутниң бешини қошқан мәйрәм
Кеңәш дәвридин Челәк йезисиниң көчмә механикилаштурулған колонна (ПМК) карханиси орунлашқан йәр «ПМК мәһәллиси» дәп атилип кәткән еди. Мана шу мәлидә 27-март күни Норуз мәйрими нишанланди. Униңға мәзкүр жутта туридиған барлиқ милләт вәкиллири, җәми 300дин ошуқ аилә қатнашти. Мәйрәм Қурванҗан Сайитов вә Иврайимҗан Әмәтов тәрипидин уюштурулуп, «Идиқут» нағра ансамблиниң саз-нәғмиси билән башланди. Риясәтчиләр қазақ, уйғур вә рус тиллирида Норуз мәйрими һәққидә чүшәнчиләрни бәрди. Мөтивәрләрниң дуасидин кейин башланған спорт оюнлири наһайити қизиқарлиқ өтти. Миллий таамлар көргәзмиси уюштурулди.
Андин сәнъәткарлар Марат Савутов вә Расул Иминов һүнәрлирини намайиш қилди. Мәйрәмниң ахирида миллий таамлар, әнъәниләрни тонуштуруш вә спорт оюнлири бойичә ғалип чиққанлар ениқланди. Жутумизниң 80дин ашқан мөтивәр атилири билән нураний анилириму соғиларға еришти.
Бүвинур ҺАСАНОВА, жут турғуни.
Әмгәкчиқазақ наһийәси.
638 рет
көрсетілді0
пікір