• Йеңилиқлар
  • 23 Қаңтар, 2012

«Нур Отан» көп партиялик Парламентта ишләшкә тәйяр

Чаршәнбә күни «Нур Отан» Хәлиқ-демократик партияси сәясий кеңиши бюросиниң мәҗлисидә партияниң V қетим сайланған Қазақстан Җумһурийити Парламенти Мәҗлиси депутатлириниң тизими тәстиқләнди. Сайламдин кейинки биринчи мәҗлис мәмликәт Президенти, партия лидери Нурсултан Назарбаевниң рәислигидә өтти. —    Болуп өткән сайлам мәмликитимиздә көп партияликни, демократияни тәрәққий әткүзүштә муһим қәдәм болди. Партия әзалириға — йеңидин сайланған фракция әзалириға көп партиялик Мәҗлистә очуқ риқабәтчилик шараитида ишләшкә тоғра келиду. Бу, сөзсизки, ишниң сүпитини ашуруш зөрүрийитигә бағлиқ, — дәп тәкитлиди Нурсултан Назарбаев. Тизимни «Нур Отан» ХДП рәисиниң биринчи орунбасари Нурлан Ниғматулин елан қилди. «Нур Отан» Хәлиқ-демократик партияси 15-январь күни болуп өткән сайлам нәтиҗилири бойичә сайлиғучилар авазиниң 80,99 пайизиға егә болди. Бу нәтиҗә партиягә 83 депутатлиқ мандатқа егә болуш һоқуқини бериду. Дәсләпки партиявий тизимда 127 намзат көрситилгән болуп, уларниң төрти Мәркизий сайлам комиссиясиниң қарариға бенаән тизимдин чиқирилған еди. Қалған үмүткарлардин 83и Мәҗлис депутатлиғиға таллавелинди. Мәҗлистики партия фракциясигә тәклип қилинған намзатлар барлиқ регионлар, сәясий кеңәш бюросиниң әзалири билән алдин-ала муһакимә қилинди. Униң тәркивигә мәмликәттики атақлиқ адәмләр кирди. Шу нәрсә диққәткә сазавәрки, төвәнки палатиниң йеңи тәркивидә барлиқ регионлар вакаләтлик қилиду, илгәрки тәркип билән селиштурғанда, аялларниң, яшларниң, шундақла түрлүк кәсип егилириниң сани көпәйди. Бюро әзалири тәклип қилинған намзатларни бир еғиздин мақуллиди. Дөләт рәһбири партиядин сайланған депутатларниң алий қанун чиқириш оргинида аһалиға, сайлиғучиларға мунасип вакаләтлик қилидиғанлиғиға ишәнчә билдүрди.

507 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы