• Йеңилиқлар
  • 23 Қаңтар, 2012

Қазақстан хәлқи Ассамблеясиниң Қазақстан Җумһурийити Парламенти Мәҗлисиниң новәттин ташқири сайлиминиң йәкүни бойичә мәмликәт гражданлириға мураҗиити

Һөрмәтлик вәтәндашлар! Қиммәтлик қазақстанлиқлар! Қазақстан хәлқи Ассамблеяси Қазақстан хәлқини Парламент сайлимида «Нур Отан» Хәлиқ-демократик партиясиниң, Милләт Лидери — мустәқил Қазақстанниң Тунҗа Президенти Нурсултан Әбиш оғли Назарбаев партиясиниң ишәшлик ғалип чиқиши билән тәбрикләйду. 2012-жилқи парламент кампанияси очуқлуқ вә сәясий риқабәтчилик дәриҗиси бойичә мисли көрүлмигән дәриҗидә өтти. Қазақстан Җумһурийити Парламентиниң Мәҗлисигә үч сәясий партияниң өтүши Қазақстанниң демократик тәрәққиятиға чоң күч қошти, Дөләт рәһбириниң басқучлуқ һәм изчил демократияләштүрүш йолиниң еғишмайдиғанлиғиниң испати болди. Қазақстан хәлқи йеңи Мәҗлис сүпитидә хилму-хил сәясий, ихтисадий вә иҗтимаий мәнпийәтләрниң нәтиҗидарлиқ вакаләтлик институтиға, иҗтимаий көз қарашлар вә мәнпийәтләрниң һесапқа елинишини тәминләйдиған дөләт вә җәмийәтниң әкси алақә механизмиға егә болди. Бу йосунда мәмликитимизниң барлиқ миллий топлириниң умумий мәнпийәтлирини әкис әттүридиған Қазақстан хәлқи Ассамблеяси тәрипидин сайлинидиған Мәҗлис депутатлириниң ролини алаһидә тәкитләш керәк. Қазақстандики миллий топлар мәнпийәтлириниң капаләтләндүрүлгән вакаләтлик институти миллий топларниң иҗтимаий-сәясий һаятқа қатнишишиға мунасивәтлик мәхсус чариләрниң қобул қилинишини көздә тутидиған хәлиқ ара демократик өлчәмләр нәзәридин хәлиқ ара әмәлиятта надир үлгә болуп һесаплиниду. 2012-жили 16-январь күни Қазақстан хәлқи Ассамблеясиниң новәттин ташқири XVІІІ сессиясидә Қазақстан Җумһурийити Парламенти Мәҗлисиниң тоққуз депутатини сайлаш Дөләт рәһбириниң течлиқ вә җәмийәтлик разимәнлик сәяситини давамлаштурушниң вә униңға еғишмай әмәл қилишниң ярқин испати болди. Қазақстан хәлқи Ассамблеясиниң йеңи депутатлар корпуси Дөләт рәһбириниң Ассамблеяниң XVІІІ сессиясидә қойған тапшуруқлириға мувапиқ миллий бирликни мустәһкәмләшниң вә Қазақстан хәлқини җипсилаштурушниң муһим қурали болиду. Қазақстан хәлқи Ассамблеяси Милләт Лидерини Қазақстан хәлқи Ассамблеясидин сайланған Мәҗлис депутатлириниң, униң барлиқ әзалири охшаш, өзлириниң алдиға қоюлған вәзипиләрни орунлаш үчүн барлиқ күч-қувитини сәрип қилидиғанлиғиға ишәндүриду. 2012-жилқи парламент сайлиминиң демократик сайламлар, хәлиқниң өз хаһишини изһар қилишиниң вә Қазақстанниң һәқиқий демократик қанун чиқириш оргинини вуҗутқа кәлтүрүшниң мисали сүпитидә Қазақстан тарихидин орун алидиғанлиғиға ишәнчимиз камил. Қазақстан хәлқи Ассамблеяси Астана шәһири, 2012-жил 16-январь.

492 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы