• Йеңилиқлар
  • 23 Қаңтар, 2012

Сәһнидә — яш талантлар

Кейинки вақитларда Кичик Дехан йезисиниң Мәдәнийәт өйидә һәр хил сәнәләргә мунасивәтлик чарә-тәдбирләр, учришишлар, яшлар кәчлири вә һаказилар турақлиқ уюштурулуп кәлмәктә. Техи йеқиндила болуп өткән «Биз талантлиқ яшлар» намлиқ концертлиқ программа шулар җүмлисидиндур. Бу мәдәний чарә-тәдбиргә пәқәт жуттики талант егилирила әмәс, бәлки Алмута шәһиридин кәлгән жутдаш кәспий сәнъәткарларму қатнашти. Концерт давамида залға лиқ толған тамашибинлар Мәдәнийәт өйиниң мудири Мунира Мейдинованиң, шундақла Шаһидин Әмәтов, Музат Мәһәмәтов, Алжан Рақыжанова, Наргиза Вексилова кәби яш иҗрачиларниң қазақ вә уйғур тиллиридики нахшилирини тиңшап, Динара һәм Дилназ Елакаева, Динара Әсқәрова, Нигара Турсунова, Сәвирдин Сидиқов қатарлиқ уссулчиларниң әҗайип шох һәм әвришим уссуллирини көрүп бәһирләнди. Әнди алмутилиқ кәспий сәнъәткарлар — Қ.Ғоҗамияров намидики җумһурийәтлик дөләт Уйғур музыкилиқ комедия театриниң яш актери Юпитер Мәсимов билән талантлиқ күлкә маһири Алмат Тоқымов җәмийитимиздики сәлбий көрүнүшләрни тәнқит астиға алған заманивий миниатюрилири билән тамашибинларни күлкигә ғәриқ қилди. Кәч ахирида сөзгә чиққан йеза ханим-қизлар кеңиши рәисиниң орунбасари Райгүл Жолдасова, пешқәдәм устаз Мәрийәм Ниязова вә муәллимә Сабира Оразалиевалар мәзкүр концерт программисиниң уюштурғучиси Мунира Мейдиноваға һәм сәһнидә һүнәрлирини көрсәткән яш талантларға сәмимий миннәтдарлиғини изһар қилип, бу хилдики чарә-тәдбирләрниң пат-пат болуп турушиға тиләкдашлиғини билдүрди. Мурат АБДУЛЛАЕВ. Уйғур наһийәси СҮРӘТТӘ: концерт қатнашқучилириниң бир топи.

593 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы