- Футбол
- 10 Қараша, 2016
Нәзәрийәвий имканийәттинму айрилди
Европа лигиси даирисидә күч синишиватқан «Астана» футбол клуби өткән пәйшәнбидә өз мәйданида Грекияниң «Олимпиакос» командисини қобул қилди. Бу командилар оттурисида өткән биринчи матч 4:1 һесави билән грекларниң пайдисиға аяқлашқан еди. «Астана-Аренада» болса, командилар 1:1 һесави билән тәң ойниди.Шундақ қилип, «Астана» өз мәйданида новәттики қетим тәң ойнап, турнирниң плей-офф қисмиға чиқишниң нәзәрийәвий имканийитидинму айрилди.
Әнди җумһурийәт даирисидики матчларға кәлсәк, өткән һәптиниң ахирида Қазақстан Кубоги үчүн йерим финал оюнлири өткүзүлүп, финалда ойнайдиған командилар ениқланди. Мәсилән, өз мәйданида өткүзүлгән биринчи учришишта «Атыравни» аран-аран 1:0 һесави билән йәңгән алмутилиқ «Қайрат» меһманда рәқивини 3:0 һесави билән тиз пүктүрди. Иккинчи йерим финалда «Астана» икки учришишниң йәкүни бойичә (2:1 – меһманда вә 5:3 – өз мәйданида) Павлодарниң «Иртыш» командисиниң үстидин ғалип чиқти. Әнди 19-ноябрьда «Қайрат» билән «Астана» финалда ойнайду. Ейтмақчи, елимиз кубоги үчүн финаллиқ матчниң һәрқачанқидәк Астанада әмәс, бәлки бу қетим Алмутида өткүзүлидиғанлиғи тоғрилиқ әхбаратму йоқ әмәс. Шөһрәт МӘСИМОВ.356 рет
көрсетілді0
пікір