• Учумкарлар диққитигә
  • 18 Қараша, 2016

БМТ шәкли өзгәрди

Қазақстан Җумһурийитиниң Билим вә пән министрлиги мәктәпләрдә илгәрки емтиһанларни әслигә кәлтүрүп, Биртуташ миллий тестни алий оқуш орунлириға чүшкәндә тапшуруш қарарини қобул қилди. Билим вә пән министрлиги он үч жил әмәлиятта қоллинилған бирпүтүн емтиһанни ислаһат қилишқа бирнәччә жил тәйярланди. Мана әнди үзүл-кесил қарар қобул қилинип, идарә вәкиллири униң тоғрилиқ Мәркизий коммуникацияләр хизмитидә болуп өткән мәтбуат конференциясидә чүшәнчә бәрди. БМТни мукәммәлләштүрүш мәхситидә министрлик бирқатар социологиялик тәтқиқатларни, он миңдин ошуқ учумкар, муәллим, билим бериш тәшкилатлириниң рәһбәрлири, ата-анилар, җамаәтчилик вәкиллириниң қатнишишида җәмийәтлик пикир сорашларни жүргүзди, — дәп тәкитлиди мәтбуат конференциясидә Билим вә пән министрлиги Билим вә пән саһасидики назарәт комитети рәисиниң орунбасари Нурбек Оршүбеков. – Тест жүргүзүш тәҗрибиси вә тәтқиқат нәтиҗилири җамаәтчиликниң уни алий оқуш орниға чүшүш емтиһани сүпитидила қобул қиливатқанлиғини, йәкүнләрниң болса, мәктәпниң билим бериш паалийитиниң сүпитини объектив баһалаш имканийитини бәрмәйватқанлиғини көрсәтти. БМТта пайдилинилған тапшурмилар вә соаллар мәмликәттики мәктәпләрниң хилму-хиллиғини вә типлирини һесапқа алмайду. Әйнә шуниңға асасланған һалда министрлик ишни икки йөнилиш бойичә елип барди. Бу БМТ вәзиписини бөлүш вә униң қурулуми һәм мәзмунини мукәммәлләштүрүш. Бүгүнки күнгә қәдәр бу өзгиришләр «Билим бериш тоғрилиқ» Қанунға киргүзүлүп, БМТ икки басқучқа – мәктәпни тамамлаш бойичә дөләт емтиһанлири шәклидики хуласә аттестацияләшкә вә тест шәклидә алий оқуш орунлириға чүшүш емтиһанлирини тапшурушқа бөлүнди. 2017-жили хуласә аттестацияләш барлиқ мәктәпләрдә 1 – 10-июнь арилиғида өткүзүлиду, тәләпкарлар үчүн БМТ болса, 20-июнь – 1-июльға бәлгүләнди. Шундақла БМТни 2017-жили августта вә 2018-жили январьда қайта тапшуруш имканийити көздә тутулуватиду. Мәктәп йешиғичә вә оттура билим бериш департаментиниң мудири Жаңыл Жонтаеваниң мәтбуат конференциясидә тәкитлишичә, мәктәп тамамлаш емтиһанлири (турникетлар вә тәкшүрүшләрсиз) төрт мәҗбурий вә учумкар өзи таллавалған бир пән бойичә тапшурулиду. Оқутуш тили вә әдәбиятини мәктәп оқуғучилири эссе шәклидә, Қазақстан тарихини еғизчә, математикини тәкшүрүш иши түридә, оқутуш рус тилида жүргүзүлидиған мәктәпләрдә қазақ тилини вә оқутуш қазақ тилида жүргүзүлидиған мәктәпләрдә рус тилини тест шәклидә тапшуриду. «Алтын белгі» бәлгүси мәктәптики емтиһан нәтиҗиси бойичә берилиду вә уни БМТта тәстиқләш тәләп қилинмайду. Шундақла «Алтын белгі» егилири башқа тәләпкарлар билән балл сани тәң болғанда, грант бөлүнгәндә имтиязлиқ һоқуққа егә болиду. БМТ-2017 шәкли бәш пән бойичә 120 соални көздә тутиду, униң үчи мәҗбурий вә иккиси саһалиқ пәнләр. Тест тапшуруш вақти 3 саат 30 минут, лазим болған балл – 50. Билим вә пән министрлиги Алий һәм алий оқуш орнидин кейинки билим департаментиниң мудири Дархан Ахмет-Закиниң чүшәндүрүшичә, тәләпкарниң мутәхәссисликни аңлиқ таллавелиши үчүн тест соаллириниң қурулумини өзгәртиш пәрәз қилиниватиду. Дәсләпки үч пән – тил тәйярлиғи һәм мәтинни қобул қилиш, тәһлил қилиш маһаритини көздә тутидиған оқуш савати вә андин кейин математикилиқ тестлар билән мәнтиқилиқ тапшурмиларни өз ичигә алидиған математикилиқ сават, Қазақстан тарихи – мәҗбурий пәнләр. БМТ қурулумидиму икки саһалиқ пән бар. Җүмлидин, әгәр учумкар математика вә физикини таллавалса, у чағда, илгәркидәкла, төрт мутәхәссисликкә һөҗҗәтлирини тапшуруш имканийитигә егә болиду. Умумән, бу учумкарға 52 мутәхәссисликкә үмүткар болуш имканийитини бериду. Колледж учумкарлириниң дәсләпки қетим өзлири оқуған пәнләр бойичә тест емтиһанлирини тапшуруш имканийитигә егә болуши асасий өзгиришләрниң бири болуп һесаплиниду. Бу – 40 соал вә униңға қошумчә умумий пәнләр бойичә йәнә 20 соал. Илгири улар мәктәп учумкарлири тапшуридиған пәнләр бойичә тест синиғидин өтәтти. Шундақ қилип, Билим вә пән министрлиги мутәхәссислириниң тәкитлишичә, киргүзүлгән өзгиришләр хуласә аттестацияләш җәрияниға иҗабий тәсир қилиду, БМТ әтрапида һөкүм сүридиған ошуқчә кәскинликни истисна қилиду.

498 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы