• Әхбаратлар еқими
• 05 Желтоқсан, 2016

Силәр тәнһа әмәс, орнуңлар жүрәк төридә

Уйғур наһийәси һакиминиң қарариға бенаән, наһийә мәркизидә, йеза округлирида вә мәктәпләрдә Мустәқилликниң 25 жиллиғини дағдуғилиқ атап өтүш вә яшларда бойидики вәтәнпәрвәрлик туйғуларни ойғитиш мәхситидә «25 Юлтузлуқ кечә» намлиқ реҗә түзүлүп, һәрхил мавзуларда чарә-тәдбирләр турақлиқ уюштурулуватиду. Әйнә шуларниң бири наһийәниң Қирғизсай йезисида болуп өтти. Бу тәнтәнидә ушбу 25 жилда йәткән утуқлардин учур берилип, яшлар арисида чүшәндүрүш ишлири жүргүзүлди вә  мәктәп оқуғучилири билән йеза аһалиси қатнашқан вәтәнпәрвәрлик нахшилар кечи өтти. Шундақла ушбу йезидики мүмкинчилиги чәкләнгән балиларға һамийлар тәрипидин қиммәт баһалиқ соғилар тапшурулди. Қирғизсай йезисидин йетилип чиққан алимә Мадина Насирова туғулушидин нака балиларни роһий җәһәттин қоллап, жилда дегидәк өз ярдимини көрситип келиветипту. Ахирида йеза һакими сөз елип, чарә-тәдбиргә иштрак қилған шәхсләргә миннәтдарлиғини изһар қилди. Йеза ақсақили Әтей Жумбетов билән Алтыш Кибрайимова һәр жили балиларни өз ғәмхорлуғиға елип, уларниң көнлидин чиқиватқан сахавәтлик инсан – Мадина Йолдаш қизиға сәмимий миннәтдарлиғини билдүрди. Шахризада САБИТОВА, Уйғур наһийәси.