• Әхбаратлар еқими
  • 05 Желтоқсан, 2016

Әқлий мәктәптики учришиш

Дөләт кативи Гүлшара Әбдиқалықова Алмута шәһиридики Назарбаев Әқлий мәктивиниң әң яхши оқуғучилири билән учрашти. Тунҗа Президент күнигә беғишланған сөһбәт давамида Гүлшара Әбдиқалықова оқуғучиларға Дөләт рәһбириниң җавапкәр һәм мурәккәп иши тоғрилиқ сөзләп бәрди. У Қазақстан Президентиниң дайим балиларға ғәмхорлуқ қиливатқанлиғини тәкитлиди. — Дөләт рәһбири тәкитлигәндәк, «балиларни тәрбийиләш – келәчәккә болған чоң инвестиция. Биз бу мәсилигә нәқ шундақ яндишишимиз вә балилиримизға әң яхши билимни беришимиз керәк», дәп тәкитлиди дөләт кативи. Өз новитидә, мәктәп оқуғучилири Президентниң Ақорда қараргаһини зиярәт қилиштин алған тәсиратлири тоғрилиқ сөзләп бәрди, Астана билән пәхирләнгәнлигини изһар қилип, кәлгүси планлири билән ортақлашти. Шундақла балилар Қазақстан Мустәқиллигиниң шәкиллиниши, Нурсултан Назарбаевниң дөләтни қуруш вә тәрәққий әткүзүштики, «Мәңгілік Ел» Умуммиллий вәтәнпәрвәрлик идеясини илгирилитиштики роли тоғрилиқ мавзуға язған эссеси һәққидә ой-пикирлири билән бөлүшти. Учришиш ахирида Дөләт кативи мәктәп оқуғучилириға оқушиға утуқ-муваппәқийәт, өз тәңтушлири үчүн үлгә болушиға һәм җүръәтлик арманлирини әмәлгә ашурушиға тиләкдашлиқ билдүрди. Әслитип өтүмизки, җумһурийәттә Дөләт рәһбириниң тапшурмиси бойичә 16 Назарбаев Әқлий мәктиви паалийәт елип берип, улар Қазақстан мәктәплириниң оқуш җәрияниға инновацияләрни һәм яхши хәлиқара тәҗрибини җарий қилиш үчүн асас болуп, тәҗрибә мәйданиға айланди.

596 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы