• Әхбаратлар еқими
• 09 Желтоқсан, 2016

Ана тилимда оқуймән

Мениң ана тилим — уйғур тили. Ана тилимда билим еливатқинимға он жил болди. Һәрқандақ инсан өз ана тилини, хәлқиниң тарихини билиши шәрт. Мана мән ана тилимда билим елип хәлқимниң тилини, тарихини вә әдәбиятини үгиниватимән. Маңа ана тилимни дәсләп ата-анам үгәтти. Һәммә аилидә әшундақ болуши лазим дәп ойлаймән. Мениңчә, ана тилға болған һөрмәт биринчи болуп аилидин башлиниду. Қазақстан — көпмилләтлик мәмликәт. Җумһурийитимиздә яшаватқан һәрбир милләт өз тилини үгиниш имканийитигә егә. Шу җүмлидин биз, уйғурларғиму, ана тилимизни үгинишкә барлиқ мүмкинчиликләр яритилған. Елимиздә уйғур тилида гезит-журналлар һәм китаплар нәшир қилиниду, өзимизниң миллий театримизму һәм бар. Маңа вә барлиқ қандашлиримға мошундақ шараитларни яратқан вәтиним – Қазақстан вә елимизниң Президенти Нурсултан Әбиш оғли Назарбаевқа чәксиз миннәтдарлиғимни билдүримән. Ана тилини билгәнләргә өзгә тилларни үгинишкә һеч тосалғу болалмайду, әксичә у башқа тилни үгиништә ярдәм бериду, адәмгәрчиликкә, һәқиқий вәтәнпәрвәрликкә йетәкләйду. Һазир заман тәливигә бола, үч тилни егиләш чақириқлири яңримақта. Әлвәттә, тил билсәң аләмни тонуйсән. Лекин бу өз ана тилиңдин безип кәт дегәнлик әмәс. Тил – өз миллитиңни сөйүш, қәдирләш, кимлик вә өзәңниң моҗут екәнлигини испатлайдиған, һар-номус, шан-шөһритини қоғдайдиған бир қурал. Ана тилини чоңқур билгән адәм һаятта чоң утуқларға йетиду, дәп ишәшлик ейтимән. Мәликәм ХУДАЙҚУЛОВА, Т. Рысқулов намидики оттура мәктәпниң 10-синип оқуғучиси. Әмгәкчиқазақ наһийәси.