• Әхбаратлар еқими
• 16 Ақпан, 2017

Хәлиқара мукапат билән тәғдирләнди

Мошу күнлири Дубайда The World Government Summіt мавзусида өтүватқан Хәлиқара Һөкүмәт саммитида әхбарат вә коммуникацияләр министри Даурен Абаев башқурған Қазақстан делегацияси Egov – mgov мобильлиқ қошумчисини тәйярлап, киргәзгәнлиги үчүн  Fіtst World Govtechіneers Race-2017 мукапити билән тәғдирләнди.Даурен Абаевқа мукапатни Дубай әмири, Бирләшкән Әрәп Әмирлигиниң премьер-министри вә вице-президенти шейх Мухаммед ибн Рашид әл-Мактум тапшурди. Egov.kz мобильлиқ қошумчиси 2017-жили ишқа қошулуп, қисқа вақит ичидә өзиниң нәтиҗидарлиғини дәлиллиди, дәп тәкитлиди саммитни уюштурғучилар. Әхбарат вә коммуникацияләр министри Даурен Абаев: «Бу мукапат мошу саһани тәрәққий әткүзүшни рәғбәтләндүриду», дәп тәкитлиди. Министр Дубайда The World Government Summіtниң даирисидә Бирләшкән Әрәп Әмирлигиниң ихтисат министри Султан ибн Саид әл-Мансури билән учрашти. Учришиш давамида Даурен Абаев рәқәмләштүрүш саһасидики тәҗрибиси билән, «Рәқәмлик Қазақстан» программиси билән тонуштуруп, смарт-ситини тәрәққий әткүзүш даирисидә Астана хабини қуруш тоғрилиқ ейтип бәрди. Униңдин ташқири министр БӘӘ Бәхит министри Охуд әл-Руми биләнму учрашти. Тәрәпләр хәлиққә дөләт хизмәтлирини көрситиш, тәклип қилинған рәсмийәтләрни йениклитиш җәриянини йүксәлдүрүш, дөләтлик хизмәтләр саһасидики менеджмент мәсилилири бойичә иккитәрәплимә һәмкарлиқни тәрәққий әткүзүш мәсилилирини муһакимә қилди.