- Әхбаратлар еқими
- 16 Ақпан, 2017
Индустрияни тәрәққий әткүзүш чарә-тәдбирлири муһакимә қилинди
Қазақстан Президентиниң рәислиги билән ихтисатниң чапсанлитилған технологиялик йеңилиниши мәсилилири бойичә кеңәшмә өтти, дәп хәвәрлиди Президентниң Мәтбуат хизмити. Кеңәшмигә Премьер-Министр, Миллий банк рәиси, Һөкүмәт әзалири, Астана шәһириниң һакими, миллий холдинглар билән компанияләр, шундақла елимиздики йетәкчи карханиларниң рәһбәрлири қатнашти.
Кеңәшмә давамида Дөләт рәһбириниң «Қазақстанниң Үчинчи йеңилиниши: дуниявий риқабәткә қабиллиғи» намлиқ Қазақстан хәлқигә йоллиған Мәктүбидики биринчи әвзәллик сүпитидә көрситилгән ихтисатниң чапсанлитилған йеңилинишлири бойичә чарә-тәдбирләр муһакимә қилинди.
Шундақла рәқәмлик технологияләрни пайдилинип, йеңи индустрияни тәрәққий әткүзүш вә базилиқ саһаларни техникилиқ җәһәттин қайта җабдуқлашниң комплекслиқ чарә-тәдбирлирини тәйярлаш мәсилилириму муһакимә қилинди.
Қазақстан Президенти кеңәшмә нәтиҗиси бойичә бирқатар ениқ тапшурмиларни бәрди.
654 рет
көрсетілді0
пікір