• Әхбаратлар еқими
• 23 Ақпан, 2017

Устазлириниң үмүтини ақлиди

Көктал оттура мәктиви — наһийәдики әң чоң билим дәргаһлириниң бири. Мәктәптә билим қош тилда, йәни қазақ вә рус тиллирида берилиду. Турғунларниң бесим көпчилиги қазақлар билән уйғурлар. Бу жуттики мәктәпләрдә буниңдин бираз жил илгири уйғур синиплири ечилған еди. Амма уйғур муәллимлириниң йетишмәслиги түпәйли улар йепилип,көкталлиқлар балилирини қазақ вә рус мәктәплиригә беришкә мәҗбур болди. Мана шу қош тилда билим еливатқан көкталлиқ уйғур балилири мәктәптила әмәс, наһийәлик, вилайәтлик, һәтта җумһурийәтлик байқаш-фестивальларға, олимпиадиларға қатнишип, мукапатлиқ орунларға қол йәткүзүватиду. Әйнә шундақ оқуғучиларниң бири Нигара Аубакировадур. Нигара рус синипида оқуйду. Сүрити биринчи синиптин тартип һөрмәт тахтисидин чүшмәй келиватиду. У рус тилидин башқа дөләт тилини, шундақла инглиз тилини пухта өзләштүрүшкә интиливатиду. Нигараниң тәнтәрбийә пәнигиму қизиқиши үстүн. Волейбол секциясигә қатнишип, мәзкүр мәктәпниң талланма командисиниң әзаси сүпитидә спорт мусабиқилиридин чәттә қалмайду Нигара Аубакирова йеқинда қазақ тили пәнидин болуп өткән вилайәтлик олимпиадиға қатнишип биринчи орунни егиләп, Алмута вилайәтлик билим башқармисиниң дипломи вә Алтун медали билән мукапатланди. Гөһәрбүви Исмайилова. Панфилов наһийәси.  СҮРӘТТӘ: Нигара қазақ тили пәни муәллими Күләш Бекжигитова билән.