- Әхбаратлар еқими
- 02 Наурыз, 2017
Кичик достлуқ өйи
Миннәтдарлиқ күни һарписида пайтәхттә паалийәт елип бериватқан он бир этномәдәнийәт мәркизи йеңи бенаға көчүп кирди. «Кичик достлуқ өйи» — этномәдәнийәт мәркәзлириниң вәкиллири уни шундақ дәп атиди. Шәһәрлик һакимийәт орунлири уларниң ихтияриға бәргән Астанадики бизнес-мәркәзләр бириниң бир қәвити һәқиқәтәнму әйнә шундақ намға мунасип. Чүнки бу йәрдә әнди уйғур, өзбәк, қирғиз, әзәрбәйҗан, әрмән, украин, болғар, поляк, йәһудий этномәдәнийәт мәркәзлири, җумһурийәтлик славян һәрикити, казаклар иттипақи янму-ян туруп ишләйду.
Улар бу йәргә мана икки жилдин буян Қазақстан хәлқи Ассамблеясиниң туғулған күни – 1-мартта нишанлиниватқан Миннәтдарлиқ күнидә рәсмий көчүп кирди. Бу күни һәрбир этномәдәнийәт мәркизиниң ишиги меһманлар үчүн очуқ болуп, бу йәргә кәлгәнләр миллий таамлардин тәм тартти, нахша ейтип, уссулларни ойниди.
675 рет
көрсетілді0
пікір